ગરબાડા નગરમાં આવેલ શ્રી રામજી મંદિર ખાતે દર વર્ષની જેમ આ વર્ષે પણ નગરજનોના સહયોગથી શ્રીમદ્ ભાગવત સપ્તાહ જ્ઞાન યજ્ઞ (શ્રીમદ્ ભાગવત કથા) નું આજ તા.૧૮/૦૯/૨૦૧૮ ના રોજથી તા.૨૫/૦૯/૨૦૧૮ સુધી આયોજન કરવામાં આવેલ છે. જેમાં આજરોજ બપોરનાં ૦૧:૧૫ કલાકે રાજુભાઇ વાલચંદભાઈ કલાલના ત્યાંથી પોથી પધરાવવામાં આવી છે.
કથાનું રસપાન વક્તા શાસ્ત્રી રૂષીકુમાર જોષીના મધુર કંઠે કરાવવામાં આવી રહ્યું છે જેમાં શ્રોતાઓ કથાનો લ્હાવો લઈ કથાનું રસપાન કરી ધન્યતા અનુભવી રહ્યા છે. કથાનો સમય બપોરના ૦૧:૩૦ થી સાંજના ૦૫:૦૦ વાગ્યાનો રાખવામાં આવેલ છે.
તા.૨૨/૦૯/૨૦૧૮ શનિવારના રોજ સાંજના ૦૪:૦૦ કલાકે ભગવાન શ્રી કૃષ્ણનો જન્મોત્સવ ઉજવવામાં આવશે.
