દાહોદ જિલ્લો આદિવાસી બહુલ જિલ્લો છે અને દાહોદ જિલ્લાની ઓળખ એક આદિવાસી જિલ્લા તરીકે વિશ્વ ભરમાં થયેલી છે. ત્યારે આદિવાસીઓ દ્વારા પોતાની મૂળ જૂની સંસ્કૃતિ અને પરંપરાઓ જીવંત રાખવા માટે દરેક પ્રસંગે ધ્યાન રાખી અને નવી ટેકનોલોજી ને અપનાવાની સાથે સાથે પોતાની પરંપરાઓને યાદ રાખી તેને જાળવી રાખવા માટે સમાજ દ્વારા પુરા પ્રયત્ન કરવામાં આવે છે જેના ભાગ રૂપે આજે દાહોદ ના પરેલ વિસ્તારમાં આવેલ સ્પોર્ટ્સ સ્ટેડિયમ ખાતે સવારથી એક વિશાલ ઢોલ મેળાનું આયોજન કરવામાં આવ્યું હતું.
દાહોમાં ઢોલ મેળાનું આયોજન આદિવાસી સમાજ સુધારણા ટ્રસ્ટ દ્વારા કરવાંમાં આવ્યું હતું અને દાહોદના જુદા જુદા ગામોમાંથી 250 જેટલા ઢોલીઓને આમંત્રણ અપવામાં આવ્યું હતું અને સવારથી જ રેજીસ્ટ્રેશન પ્રક્રિયા પુરી કરી ગુજરાત સિવાય અન્ય પાડોસી રાજ્ય મધ્ય પ્રદેશ અને રાજસ્થાનમાંથી પણ ઢોલીઓ મેદાનમાં ઉતરી ગયા હતા. આ ઢોલીઓ પોતાની સંસ્કૃતિ જાળવવા માટે પોતાની ટિમ સાથે ઢોલ, ઘૂઘરા વાળો પટ્ટો, થાળી, વાંસળી અને આદિવાસી પહેરવેશ સાથે આવે છે. અને આટલા મોટા ઢોલને ગળામાં લટકાવી અને કલ્લાકો સુધી આ ઢોલ વગાડયા હતા સાથે સાથે મેળામાં દાહોદના સાંસદ તેમજ શિક્ષણ મંત્રી કુબેર ડીંડોર એ પણ ઢોલ વગાડયા હતા અને તીરકામઠા લઈને મનમૂકીને નાચ્યાં હતા અને આ બધી ટિમો પૈકી છોટાઉદેપુર ની ટીમે ખાસ આકર્ષણ જમાવ્યું હતું આયોજકો દ્વારા આ મેળાના અંતે પ્રથમ ત્રણ ઢોલીઓને ઇનામો અને પ્રોત્સાહન ઇનામો પણ આપવામ આવ્યા હતા. આ મેળાનો હેતુ માત્ર આ મોર્ડર્ન દુનિયામાં લોકો પોતાન ઢોલ છોડી અને ડી.જે તરફ ના વળે તે માટે ના આ પ્રયત્ન છે અને તે વર્ષોથી આ ઉજવતા આવ્યા છીએ અને તેમાં થોડી સફળતા પણ મળી છે અને આગળ વધુ પ્રયત્નો કરતા રહીશું તેવું આયોજકો એ જણાવ્યું હતું જેથી સંસ્કૃતિની ધરોહર સાચવી શકીયે આ કાર્યક્રમમાં દાહોદ જિલ્લા સાંસદ જસવંતસિંહ ભાભોર, શિક્ષણ મંત્રી કુબેર ડીંડોર, જિલ્લા પંચાયતના પ્રમુખ કરણસિંહ ડામોર, ધારાસભ્ય કનૈયાલાલ કિશોરી, નગર સેવા સદાનના પ્રમુખ નીરજ દેસાઈ તેમજ આયોજક નગરસિંહ પલાસ અને વિણાબેન પલાસ ઉપસ્થિત રહ્યા હતા.
Byte – કુબેર ડીંડોર, શિક્ષણ મંત્રી, ગુજરાત
Byte – રાજેશ ભાભોર, ઢોલી, દાહોદ
