રાજ્યના મુખ્યમંત્રી વિજય રૂપાણી દ્વારા લોકડાઉન-4 ની ગાઇડલાઇન બહાર પાડવામાં આવી

0
448
  THIS NEWS IS SPONSORED BY –– RAHUL HONDA 
  • ગુજરાત રાજયમાં વ્યવસ્થાને બે ઝોનમાં જાહેર કરવામાં આવી એક કન્ટેનમેન્ટ ઝોન અને બીજો નોન કન્ટેનમેન્ટ ઝોન.
  • રાજ્ય સરકારે કોરોના સંક્રમણ કાબૂમાં રાખવા સાથે આર્થિક ગતિવિધિઓ, રોજીંદી જીવન વ્યવહાર પ્રવૃત્તિઓને ગાઇડલાઇનને આધિન છૂટછાટો આપવાનો અપનાવ્યો આગવો વ્યૂહ.
  • તા.૧૯/૦૫/૨૦૨૦ ને મંગળવારથી તા.૩૧/૦૫/૨૦૨૦ રવિવાર સુધી ગાઇડલાઇન્સનો રાજ્યમાં અમલ કરાશે .
ગુજરાત રાજ્યના મુખ્યમંત્રી વિજયભાઈ રૂપાણીએ આજે તા.૧૮/૦૫/૨૦૨૦ ને સોમવારના રોજ સાંજના ૦૭:૩૦ કલાકે લોકડાઉન – ૪ મુદ્દે નવી ગાઈડલાઇન જાહેર કરવામાં આવી અને તેમણે તેમના વક્તવ્યમાં જણાવ્યુ કે…. 
  • લોકડાઉનના ત્રણ તબક્કામાં જનતા જનાર્દને જે સહયોગ-સહકાર-નિયમ પાલન કર્યા છે તેનો આભાર 
  • ગરીબ-શ્રમિક-રોજનું કમાઇને રોજ ખાનારા લોકો-મધ્યમવર્ગો-ખેડૂતો સૌનો સર્વગ્રાહી વિચાર-સાથો સાથ કોરોનાથી સુરક્ષિત રહીને રાજ્યમાં જનજીવન પૂન: ધબકતું, વેપાર-ઊદ્યોગ ફરી વેગવંતા કરવા છે.
  • કોરોના સામેની લડાઇ લાંબી છે. -સૌ સાથે મળી સારી આદતો કેળવી કોરોનાને મ્હાત કરીશું.
  • નાગરિકોને માસ્ક સરળતાએ મળે તે માટે N-95 અને ત્રિપલ લેયર માસ્કનું રાજ્યમાં અમૂલ પાર્લર પરથી વ્યાજબી કિંમતે ક્રમશ: વેચાણ કરવામાં આવશે.
  • પ્રથમ તબક્કે અમદાવાદમાં માસ્કના વેચાણ બાદ તબક્કા વાર રાજ્યના અન્ય સ્થળોએ એક નંગ N-95 માસ્ક રૂ.૬૫/- અને ત્રિપલ લેયર માસ્ક પ્રતિ માસ્કના રૂ.પ/- ના દરે અમૂલ પાર્લર પરથી વેચાણ થશે.
  • કન્ટેઈનમેન્ટ ઝોનમાં આવશ્યક ચીજવસ્તુઓ અને આવશ્યક સેવાઓ સિવાય કોઈ પણ પ્રકારની છૂટછાટ આપવામાં આવશે નહીં.
  • કન્ટેઈનમેન્ટ ઝોનની યાદી કેસોની સંખ્યાના આધારે ફેરફારને પાત્ર.
  • સમગ્ર ગુજરાતમાં કન્ટેઈનમેન્ટ ઝોન વિસ્તારમાં સવારના ૮ થી બપોરના ૩ વાગ્યા સુધી આવશ્યક સેવાઓ અને આવશ્યક ચીજ વસ્તુઓના વેચાણ માટે છૂટ.
  • કન્ટેઈનમેન્ટ ઝોન સિવાયના વિસ્તારમાં સવારના ૮ વાગ્યાથી બપોરના ૪ વાગ્યા સુધી વેપાર ધંધા રોજગાર ચાલુ ચાલુ રાખી શકાશે.
  • સમગ્ર રાજ્યમાં સાંજના ૭ વાગ્યાથી સવારના ૭ વાગ્યા સુધી કરફ્યુનો કડક અમલ કરાવાશે.
  • અમદાવાદ અને સુરત સિવાય સમગ્ર રાજ્યમાં ઓટો રિક્ષા ચાલુ કરવા દેવાશે.
  • સમગ્ર ગુજરાતમાં એસ.ટી. બસો શરૂ કરી દેવાશે, પરંતુ અમદાવાદ શહેરમાં બસોને આવવા કે જવા દેવાશે નહિં.

મુખ્યમંત્રી વિજયભાઇ રૂપાણીએ રાજ્યમાં સૌ નાગરિકોનો કોરોના મહામારીના સંક્રમણ નિયંત્રણ માટેના પગલાંઓમાં સહયોગ-સહકાર માટે આભાર વ્યકત કર્યો છે. તેમણે આ સંદર્ભમાં કહ્યું કે, પ૪ દિવસથી લોકડાઉનની સ્થિતીમાં નિયમોના અનુપાલન કોરોના વોરિયર્સ એવા તબીબો, પોલીસ, નર્સ સ્ટાફ, સફાઇ કર્મીઓની સેવા ભાવનાને પણ તેમણે બિરદાવી હતી. મુખ્યમંત્રીએ જણાવ્યું કે, લોકડાઉન ૧, ર અને ૩ ના નિયમોના પાલન બાદ હવે લોકડાઉન-૪ માટે કેન્દ્ર સરકારે રાજ્ય સરકારોને ગ્રીન, રેડ, યલો, ઓરેન્જ ઝોનના આધારે લોકડાઉન અનુપાલન કરવા સૂચવેલું છે. ગુજરાતમાં રાજ્ય સરકારે આવા ઝોનમાં કન્ટેઈનમેન્ટ ઝોન અને નોન કન્ટેઈનમેન્ટ ઝોનના આધાર ઉપર નિયમોમાં કેટલીક છૂટછાટો સાથે લોકડાઉન-૪ માટેની ગાઇડ લાઇન આજે નાયબ મુખ્યમંત્રી નીતિનભાઇ પટેલ અને ગૃહ રાજ્યમંત્રી પ્રદિપસિંહ જાડેજાની ઉપસ્થિતીમાં જાહેર કરી હતી.

————————————————————————————–

જિલ્લા કલેક્ટર વિજય ખરાદી દ્વારા આજે તા.૧૮/૦૫/૨૦૨૦ ને સોમવારના રોજ દાહોદ શહેરના જૂની કોર્ટ રોડની પાછળ આવેલ નાના ડબગરવાડ વિસ્તારમાં એક સાથે ત્રણ મહિલાઓને કોરોના પોઝિટિવ આવતા આ વિસ્તારને Covid-19 કન્ટેઈનમેન્ટ એરિયા તરીકે જાહેર કરવામાં આવે છે. આ વિસ્તારમાં તમામ પ્રકારની અવરજવર ઉપર પ્રતિબંધ મુકવામાં આવે છે. આ વિસ્તારના રહેવાસીઓને રાશન તથા અન્ય જીવન જરૂરીયાતની આવશ્યક ચીજવસ્તુઓ તંત્ર દ્વારા હોમ ડિલિવરી થી તેમના ઘરે પૂરું પાડવામાં આવશે. અને ઉક્ત વિસ્તાર માટે નીચે મુજબની અમલવારી કરાવવાની રહેશે. જેમાં (૧) આ વિસ્તારના એન્ટ્રી અને એક્ઝિટ પોઈન્ટને પર થર્મલ સ્ક્રિનિંગ કરવાનું રહેશે. (૨) આ વિસ્તારને આવરી લેતા મુખ્ય માર્ગો પર ચુસ્ત પોલીસ બંદોબસ્ત ગોઠવવાનો રહેશે. (૩) આવશ્યક સેવાઓ (તબીબી સેવાઓ અને કાયદો અને વ્યવસ્થા સંબધિત ફરજો સહિત) અને સરકારી વ્યવસ્થાપનની સાતત્યતા જાળવવા સિવાયની પરવાનગી વગર વસ્તીની આવનજાવનની પ્રવૃત્તિઓ ન થાય તે મુજબ નિયંત્રણ કરવામાં આવશે. (૪) જરૂરી બેરિકેટીંગ કરવાનું રહેશે. (૫) કન્ટેઈનમેન્ટ વિસ્તારમાં SOP અનુસાર સર્વેલન્સ, ટેસ્ટિંગ, સેનીટાઇઝર સહિતની કામગીરી કરવાની રહેશે. (૬) આવશ્યક ચીજ-વસ્તુઓ કન્ટેઈનમેન્ટ વિસ્તારમાં પૂરી પાડવાની વ્યવસ્થા ચીફ ઓફિસર દાહોદ એ ઉક્ત વિસ્તારમાં મામલતદાર ના સંકલનમાં રહીને કરવાની રહેશે.

દાહોદ નગરપાલિકા વિસ્તારમાં ઉપર મુજબ જાહેર કરેલ કન્ટેઈનમેન્ટ એરીયા ઉપરાંત જુની કોર્ટ રોડ, ગૌશાળા, દૌલત ગંજ બજાર અને નાના ઘાંચીવાડ વિસ્તારને બફર ઝોન તરીકે જાહેર કરી આ વિસ્તારની હદને સીલ કરવામાં આવે છે. આ વિસ્તારમાં આવશ્યક ચીજવસ્તુઓ/ સેવાઓના પુરવઠા સંબંધિત અવરજવર માટે માત્ર એક જ માર્ગ ખુલ્લો રાખવાનો રહેશે. આવશ્યક ચીજવસ્તુઓની ખરીદી માટે સવારે ૦૭:૦૦ થી ૧૧:૦૦ દરમિયાન જ મુક્તિ આપવામાં આવશે તથા આ જાહેરનામાના હુકમ તથા અમલવારીનો સમય હુકમ તા.૧૮/૦૫/૨૦૨૦ થી તા.૧૪/૦૬/૨૦૨૦ ને રાત્રિના ૧૨:૦૦ કલાક સુધી બંને દિવસો સહિત અમલ કરવાનો રહેશે.

આ હુકમનો ભંગ અથવા ઉલ્લંઘન કરનાર સામે ભારતીય દંડ સંહિતાની કલમ – ૧૮૮, તથા નેશનલ ડિઝાસ્ટર મેનેજમેન્ટ એકટ ૨૦૦૫ની કલમ ૫૧ થી ૫૮ મુજબ શિક્ષાને પાત્ર થશે. દાહોદ જિલ્લામાં ફરજ પરના હાજર એકઝીક્યુટિવ મેજિસ્ટ્રેટ તેમજ પોલીસ સબ ઇન્સ્પેક્ટર કે તેથી ઉપરનો હોદ્દો ધરાવનાર તમામ પોલીસ અધિકારી અને તથા આરોગ્ય વિભાગના અધિકારીઓને આ જાહેરનામાનો ભંગ અથવા ઉલ્લંઘન કરનારા ઈસમો વિરુદ્ધ લેખિત ફરિયાદ નોંધાવવા માટે અધિકૃત કરવામાં આવે છે.

————————————————————————————–

મુખ્યમંત્રી વિજયભાઈ રૂપાણીએ લોકડાઉન – ૪ માટે જાહેર કરેલ ગાઇડલાઇન-નિયમો મુખ્યત્વે જે છે તે મુજબ જ સમગ્ર દાહોદ જીલ્લામાં અને શહેરમાં તેનો અમલ કરવાનો રહેશે તેવું જિલ્લા કલેક્ટર વિજય ખરાડીએ કહ્યું છે.

 
• કન્ટેઈનમેન્ટ ઝોનમાં આવશ્યક ચીજવસ્તુઓ અને આવશ્યક સેવાઓ સિવાય કોઈ પણ પ્રકારની છૂટછાટ આપવામાં આવશે નહીં.
• કન્ટેઈનમેન્ટ ઝોનની યાદી કેસોની સંખ્યાના આધારે ફેરફારને પાત્ર રહેશે .
• સમગ્ર ગુજરાતમાં કન્ટેઈનમેન્ટ ઝોન વિસ્તારમાં સવારના ૮ થી બપોરના ૩ વાગ્યા સુધી આવશ્યક સેવાઓ અને આવશ્યક ચીજ વસ્તુઓના વેચાણ માટે છૂટ આપવામાં આવશે.
• કન્ટેઈનમેન્ટ ઝોન સિવાયના વિસ્તારમાં સવારના ૮ વાગ્યાથી બપોરના ૪ વાગ્યા સુધી વેપાર ધંધા રોજગાર ચાલુ ચાલુ રાખી શકાશે.
• ભારત સરકારના ગૃહમંત્રાલયની ગાઈડલાઈન પ્રમાણે સાંજના ૭ વાગ્યાથી સવારના ૭ વાગ્યા સુધી સમગ્ર ગુજરાતમાં કરફ્યુનો કડક અમલ કરાશે.
• કન્ટેઈનમેન્ટ ઝોન બહાર પણ અમૂક બાબતોમાં છૂટછાટ મળશે નહિં.
• આ બાબતોમાં શૈક્ષણિક સંસ્થાઓ, કોચીંગ ક્લાસ, જિમ, સ્વીમીંગ પૂલ, બાગ – બગીચા, શોપિંગ મોલ, થિયેટર, ધાર્મિક અને જાહેર મેળાવડાઓ અને સાંસ્કૃતિક કાર્યક્રમોમાં સંક્રમણ ન રહે તે માટે બંધ રહેશે.
• હાલ, શાકભાજી તેમજ આવશ્યક વસ્તુઓના વેચાણ સિવાયના ફેરિયાઓ, સીટી બસ સેવાઓ અને ખાનગી બસ સેવાઓને પણ મંજૂરી આપવામાં આવી નથી.
• આરોગ્ય, પોલીસ, સરકારી કામકાજ અંગે વપરાશમાં લેવાતી હોય કે ક્વોરંટાઇન ફેસેલિટી તરીકે ઉપયોગમાં લેવાતી હોય તે સિવાયની હોટેલો બંધ રહેશે.
• કન્ટેઈનમેન્ટ ઝોન બહાર આ સિવાયની ગતિવિધિઓમાં મોટાપાયે છૂટછાટ આપવામાં આવશે.
• અમદાવાદ અને સુરત સિવાય રાજ્યમાં સમગ્ર રાજ્યમાં ઓટો રિક્ષાઓ ચાલુ કરવા દેવાશે.
• બીજા તબક્કામાં આ બે શહેરો અંગે નિર્ણય કરવામાં આવશે.
• એક રિક્ષામાં વધુમાં વધુ બે પેસેન્જર બેસાડી શકાશે.
• માર્કેટ એરિયા કે શોપિંગ કોમ્પલેક્ષમાં દુકાનો ઓડ અને ઈવન નંબર પ્રમાણે વારાફરથી ખોલવાની રહેશે.
• એટલે કે ૫૦ ટકા દુકાનો એક દિવસે અને ૫૦ ટકા દુકાનો બીજા દિવસે ખૂલી શકશે.
• દુકાનમાં કોઈપણ સમયે એક સાથે પાચં કરતા વધુ ગ્રાહકો રહી શકશે નહિં.
• કન્ટેઈનમેન્ટ ઝોનમાં રહેતા હોય તેવા શ્રમિકો, દુકાનદારો કે કર્મચારીઓ કન્ટેઈનમેન્ટ ઝોનની બહાર અવર-જવર કરી શકશે નહિં.
• સમગ્ર ગુજરાતમાં એસ. ટી. બસો શરૂ કરી દેવાશે પરંતુ અમદાવાદ શહેરમાં બસોને આવવા કે જવા દેવાશે નહિં.
• લગ્ન સમારોહ માટે વધુમાં વધુ ૫૦ વ્યક્તિઓને મંજૂરી અપાશે.
• કોઈ મૃતકના અંતિમ સંસ્કાર વિધિ માટે ૨૦ વ્યક્તિઓને અનૂમતિ અપાશે.
• કન્ટેઈનમેન્ટ ઝોન બહાર પાનની દુકાનો શરૂ કરવાની મંજૂરી આપવામાં આવશે પરંતુ માત્ર ટેઈક અવે ને મંજૂરી આપવામાં આવશે.
• વાળંદની દુકાનો – બ્યૂટી પાર્લર અને સલૂન સોશિયલ ડિસ્ટન્સીંગનું પાલન કરવાની શરતે શરૂ કરવા દેવાશે.
• સમગ્ર રાજ્યમાં ૬૦ ટકા કેપેસિટી સાથે પબ્લીક લાયબ્રેરી શરૂ કરવાની છૂટ આપવામાં આવશે.
• કેબ, ટેક્ષી અને કેબ એગ્રીગ્રેટર્સની સેવાઓ કન્ટેન્ટમેન્ટ ઝોન બહાર વધુમાં વધુ બે પેસેન્જર સાથે ચાલુ કરવા દેવાશે.
• સમગ્ર રાજ્યમાં રેસ્ટોરન્ટ માત્ર હોમ ડીલીવરી કરવાના હેતુથી ચાલુ રાખી શકાશે. પરંતુ હોમ ડિલીવરી માટે જનારા વ્યકિતનું સંપૂર્ણ આરોગ્ય પરિક્ષણ, હેલ્થકાર્ડ પણ કરાવવાનું રહેશે. જેથી તે સુપર સ્પ્રેડર ન બને અને કોરોનાનું સંક્રમણ વધુ ન ફેલાવે.
• રાજ્યમાં સિટી લીમીટ બહાર રોડ સાઈડ ઢાબાને પણ ચાલુ કરવા દેવાશે.
• ૩૩ ટકા કેપેસિટી સાથે પ્રાયવેટ ઓફિસીસ પણ કન્ટેઈનમેન્ટ ઝોન બહારના વિસ્તારોમાં ચાલુ કરવા દેવામાં આવશે.
• તમામ રિપેર શોપ, ગેરેજ, વર્કશોપ અને સર્વિસ સ્ટેશન્સ સમગ્ર રાજ્યમાં કન્ટેઈનમેન્ટ ઝોન સિવાય કાર્યરત કરી શકાશે.
• પ્રાયવેટ કાર અને ટૂ વ્હીલર્સને કન્ટેઈનમેન્ટ ઝોન સિવાયના વિસ્તારમાં છૂટછાટ મળશે.
• ટૂ વ્હીલરમાં એક જ વ્યક્તિ અને ફોર વ્હીલરમાં ડ્રાયવર ઉપરાંત બે વ્યક્તિઓ અવર – જવર કરી શકશે.
• સમગ્ર ગુજરાતમાં માલવાહક વાહનો ગુડ્સ ટ્રાન્સપોર્ટને પરવાનગી આપવામાં આવશે.
• આ સૂચનાઓ – ગાઈડલાઈન તા.૧૯/૦૫/૨૦૨૦ ને મંગળવારથી તા.૩૧/૦૫/૨૦૨૦ ને રવિવાર સુધીના સમય માટે અમલમાં રહેશે.
• આ બધી જ સૂચનાઓ સાથો સાથ સમગ્ર ગુજરાતમાં જાહેરમાં થૂંકનારા વ્યક્તિને રૂ. ૨૦૦/- નો દંડ કરાશે તેમજ જાહેરમાં માસ્ક નહિં પહેરનારાઓને પણ રૂપિયા ૨૦૦/- દંડ કરાશે.
વધુમાં મુખ્યમંત્રી વિજયભાઈ રૂપાણીએ એમ પણ જણાવ્યું કે, રાજ્યમાં જાહેરમાં માસ્ક ફરજીયાત બનાવાયા છે ત્યારે લોકોને માસ્ક સરળતાએ મળી રહે તેવી વ્યવસ્થાઓ પણ રાજ્ય સરકારે ગોઠવી છે. 
જે વ્યકિતઓને N-95 કે ત્રિપલ લેયર માસ્ક પોતાના ઉપયોગ માટે ખરીદવા હોય તેમને રાજ્યમાં અમૂલના દૂધ પાર્લર ઉપરથી તે મળી શકશે. પ્રથમ તબક્કે અમદાવાદ મહાનગરમાં તેનું વેચાણ શરૂ કરાયા બાદ ક્રમશ: સમગ્ર રાજ્યમાં અમૂલ પાર્લર પરથી આવા માસ્કનું વેચાણ થશે. તેમણે કહ્યું કે, આવા માસ્કની કિંમત પણ N-95 માટે રૂ. ૬પ/- પ્રતિ માસ્ક અને ત્રિપલ લેયર માસ્ક માટે પ્રતિ માસ્ક રૂ. પ/- ની રાખવામાં આવી છે. મુખ્યમંત્રીએ સ્પષ્ટપણે જણાવ્યું કે, રાજ્યના દરેક નાગરિકની આરોગ્ય સલામતિની ચિંતા કરીને તેમજ લોકોની રોગપ્રતિકારક શકિત વધારી કોરોના સામેના જંગમાં જીત મેળવવાની પ્રતિબદ્ધતાથી સંપૂર્ણ સરકાર દિવસ-રાત કાર્યરત છે. તેમણે રાજ્યના સૌ નાગરિકોને પણ અનુરોધ કર્યો કે, કોરોના સંક્રમણથી બચવા માસ્કનો ઉપયોગ, સોશિયલ ડિસ્ટન્સીંગ, વારંવાર સાબૂથી હાથ ધોવા, કામ સિવાય ઘર બહાર ન નીકળવું જેવી આદતો કેળવીને જ આ લાંબી લડાઇ પર વિજય મેળવી શકાશે. મુખ્યમંત્રીએ લોકોમાં રોગ પ્રતિકારક શકિત વધારવા સાથે ખાસ કરીને વૃદ્ધો, વયસ્કો, ગંભીર બિમારી ધરાવતા લોકો, નાના બાળકોની ખાસ તકેદારી સંભાળ લેવાની પણ સૌ પ્રજાજનોને અપિલ કરી હતી.

LEAVE A REPLY

Please enter your comment!
Please enter your name here