🅱️reaking : દાહોદ જિલ્લામાં ૦૭ માસના એક બાળક સહિત ૦૮ લોકો કોરોના પોઝીટીવ નોંધાયા, કુલ એક્ટિવ કેસની સંખ્યા ૬૬ થઈ

દાહોદ જિલ્લામાં આજે તા.૧૦/૦૭/૨૦૨૦ ને શુક્રવારના રોજ કોરોના વાઇરસનો આજે ફરીથી બૉમ્બ ધડાકો થયો હતો. દાહોદ જિલ્લાના કુલ ૦૮ લોકોને કોરોના પોઝીટીવ જાહેર થતા આરોગ્ય તંત્ર અને વહીવટી તંત્રમાં ઉથલપાથલ મચી જવા પામી છે. આરોગ્ય વિભાગ દ્વારા ગઈ કાલે ૧૯૨ જેટલાં સેમ્પલો એકત્ર કરી તપાસ અર્થે મોકલવામાં આવ્યા હતા.જેઓના રિપોર્ટ આજ રોજ આવતા ૧૯૨ સેમ્પલો પૈકી ૧૮૪ લોકોના રિપોર્ટ નેગેટિવ આવ્યા હતા અને કુલ ૦૮ લોકોના રિપોર્ટ પોઝીટીવ આવ્યા હતા. આ ૦૮ વ્યક્તિઓનો કોરોના રિપોર્ટ પોઝીટીવ આવતા આરોગ્ય તંત્ર સહીત વહીવટી તંત્રમાં પણ ખલભળાટ મચી ગઇ છે.

આ ૦૮ કોરોના પોઝીટીવ વ્યક્તિઓ કોના કોના સંપર્કમાં આવેલ અને તેમની વધુ ટ્રાવેલ હિસ્ટ્રીની તપાસમાંં વહીવટી તંત્ર અને આરોગ્ય વિભાગની ટીમ લાગી ગઈ. અને તેમના સંપર્કમાં આવેલ તમામ લોકોને ક્વોરાન્ટાઈન કરવાનું વહીવટી તંત્ર અને આરોગ્યની ટીમ દ્વારા શરૂ કરી દેવામાં આવ્યું છે.