ધોરાજી નજીક થયો ઈકો કાર અને ટ્રક વચ્ચે ગંભીર અકસ્માત, અકસ્માતમાં ૫ ના મોત, ૩ ઘાયલ

રાજકોટ જિલ્લાના ધોરાજી હાઈવે પર ભાવાભી ખીજડીયા ગામ નજીક ઈકો કાર અને ટ્રક વચ્ચે ગંભીર અકસ્માત સર્જાયો હતો. જેમા ૫ જેટલા લોકોના ઘટના સ્થળ પર જ મોત નિપજ્યા હતા અને બાકી ૩ જેટલા લોકોને ગંભીર ઈજાઓ પહોંચી હતી. તે લોકોને તાત્કાલિક ૧૦૮ દ્વારા હોસ્પિટલ ખસેડવામાં આવ્યા છે. આ ઘટનાની જાણ પોલીસને થતા તાત્કાલિક ઘટના સ્થળ પર પહોંચી અને આગળની તપાસ હાથ ધરી હતી. ઘટના સ્થળ પર ગ્રામજનોના ટોળેટોળા ઉમટી પડ્યા હતા.