દાહોદના ફતેપુરામાં દેશી લાકડાના હાથ બનાવટના કુલરના વપરાશનો વધ્યો ક્રેઝ

દાહોદ જિલ્લાના ફતેપુરા તાલુકા મુખ્ય મથક ફતેપુરા ખાતે દેશી હાથ બનાવટના ઘાસના કુલરોનું વેચાણ વધી રહ્યું છે. લોકોનું માનવું છે કે આ કુલરો લાકડાના હોવાથી તેમાં હવા ઠંડી આવે છે અને કિંમતમાં પણ સસ્તા પડતા હોય છે. તેની કિંમત અંદાજે ₹. ૨૦૦૦/- થી ₹. ૫૦૦૦/-  સુધીમાં મળતા હોવાથી લોકો મોંઘા એરકન્ડિશન ખરીદવા કરતા આ દેશી કુલર ખરીદી હાશકારો અનુભવે છે. આ કુલરો અહિયાં લોકલ જ બનાવવામાં આવતા હોવાથી છે તે સસ્તા પણ પડે અને વધુ સર્વિસ પણ આપે છે. તેનું રિપેરીંગ કામ પણ અહીંયા જ થતું હોવાથી ગ્રાહકોને ધક્કા પણ ખાવા નથી પડતા. વધુમાં જો એ કુલરમાં કાંઈ બગડી જાય કે તૂટી જાયતો તેના રીપેરીંગનો સામાન પણ અહીંથી જ મળી રહેતો હોય છે. માટે તે લોકલ અને દેશી હોવાથી પણ કિફાયતી ભાવે મળી રહે છે. તેથી આજુ બાજુના ગ્રામ્ય વિસ્તારના લોકો આ કુલરની ખરીદી કરે છે. અને તેની એક વર્ષની ગેરંટી અને વોરંટી પણ આપવામાં આવતા લોકો વધુ પસંદ કરે છે.