MANISH J. SHAH –– SINGVAD
દાહોદ જિલ્લાના સિંગવડ નગરમાં છેલ્લા આઠ દિવસથી તસ્કરોએ સિંગવડ નગરના કેટલાક વિસ્તારોને બાનમાં લેતા પોલીસની ઊંઘ હરામ કરી નાખી છે. રણધીકપુર પોલીસનું પેટ્રોલિંગ માત્ર કાગળ પર થતું હોવાનું આમ જનતામાં ચર્ચા રહ્યું છે. જ્યારે એક જ સોસાયટીના ચાર મકાન તેમજ ચુંદડી રોડ, રણધીકપુર ગ્રામ્ય વિસ્તાર, પીપલોદ રોડ સહિતના કેટલાક વિસ્તારોને તસ્કરોએ નિશાન બનાવી લાખોની મત્તાની લૂંટ ચલાવી છે. જ્યારે પોલીસ ચોપડે આજે એક મકાનમાં ચોરી થયાની પોલીસ ફરિયાદમાં રૂપિયા 1,25,000 ની ચોરીની નોંધ કરાવતા પોલીસે વધુ તપાસ હાથ ધરી છે.
સિંગવડ નગરમાં છેલ્લા આઠ દિવસમાં સિંગવડ નગરની એક જ સોસાયટીમાં ચાર જેટલા મકાનોને ટાર્ગેટ બનાવી મકાનોનાં તાળા તોડી આખા મકાનમાં તોડફોડ કરી ચોરી અને લૂંટ ચલાવી (રણધીકપુર) સીંગવડ પોલીસને બાનમાં લઈને તરખાટ મચાવ્યો છે, જ્યારે સંજેલી રોડ, પીપલોદ રોડ સ્થિત રહેણાક મકાનને ટાર્ગેટ બનાવી હાથ સાફ કરી લૂંટ ચલાવી હતી. જ્યારે હાલ પોલીસ સીસીટીવી તેમજ ડોગ સ્ક્વોર્ડની મદદ લઈ વધુ તપાસ હાથ ધરી છે.
