PRIYANK CHAUHAN – GARBADA
રાષ્ટ્રીય પલ્સ પોલિયો અભિયાન હેઠળ નવી પેઢીને આજીવન અપંગતાથી મુક્ત અને સ્વસ્થ રાખવા નિયમિત સમયાંતરે નવજાતથી પાંચ વર્ષની ઉમર સુધીના બાળકોને પોલિયોની રસીના બે ટીપાં પીવડાવવામાં આવતા હોય છે જે અંતર્ગત કેન્દ્ર સરકારના સઘન પલ્સ પોલિયો અભિયાન હેઠળ રાજ્ય સરકારના આરોગ્ય અને પરિવાર કલ્યાણ વિભાગ અને જિલ્લા આરોગ્ય વિભાગ દ્વારા પોલિયો નાબૂદી અભિયાન હેઠળ આજરોજ તારીખ.૨૯/૦૧/૨૦૧૭ ના રોજ પ્રથમ રાઉન્ડનું પોલિયો રસીકરણ કરવામાં આવ્યું હતું જેમાં ગરબાડા પંચાયત ઓફિસ (પોલિયો બુથ) ખાતે તથા તાલુકાના અન્ય પોલિયો બુથ ઉપર પોલિયો રસીકરણ કરવામાં આવ્યું હતું અને નવજાતથી ૫ વર્ષ સુધીના બાળકોને ઓરલ પોલિયો વેક્સિનના બે ડ્રોપ્સ પીવડાવવામાં આવ્યા હતાં. જે તસ્વીરમાં નજરે પડે છે.
ગરબાડા પંચાયત ઓફિસ (પોલિયો બુથ) ઉપર પોલિયો રસીકરણ કાર્યક્રમની શરૂઆત ગરબાડા ગ્રામ પંચાયતનાં સરપંચ મહેન્દ્રસિંહ રાઠોડના હસ્તે દીપ પ્રાગટ્ય કરી પોલિયો રસીકરણ કાર્યક્રમનો આરંભ કરાવવામાં આવ્યો હતો.
પલ્સ પોલિયો અભિયાન હેઠળ બીજા રાઉન્ડનું પોલિયો રસીકરણ તારીખ.૦૨/૦૪/૨૦૧૭ ના રોજ યોજાશે.
