ફતેપુરા તાલુકા પંચાયતમાં પ્રમુખ અને ઉપપ્રમુખની નિયુક્તિ કરવામાં આવી – ભાજપનો ભગવો લહેરાયો

THIS NEWS IS SPONSORED BY –– RAHUL HONDA

દાહોદ જિલ્લાના ફતેપુુરા તાલુકાની તાલુકા પંચાયતના પ્રમુખ તરીકે રમીલાબેન પારગી. ઉપપ્રમુખ તરીકે પર્વતસિંહ તાવિયાડની બિનહરીફ વિજેતા જાહેર થતાં કાર્યકરોએ સ્વાગત કર્યું
સ્થાનિક સ્વરાજની ચૂંટણીમાં ભાજપનો વિજય થયા બાદ ફતેપુરા તાલુકા પંચાયતની પ્રમુખ અને ઉપપ્રમુખ તેમજ કારોબારી ચેરમેન સહિતના હોદ્દા માટે ભાજપના ઉમેદવારોએ ઉમેદવારીપત્રો ભર્યા હતા જેમાં ફતેપુરા તાલુકા પંચાયતના પ્રમુખ પદ માટે પારગી રમીલાબેન દિનેશભાઈ પારગી એ ફોર્મ ભર્યું હતું જ્યારે ઉપપ્રમુખ પદ માટે પર્વતસિંહ જગજીભાઈ તાવિયાડ ફોર્મ ભર્યું હતું તેની સામે એક પણ ફોર્મ ન ભરાતા ફતેપુરા તાલુકાના તાલુકા પંચાયતના પ્રમુખ પદ માટે રમીલાબેન પારગી તેમજ ઉપપ્રમુખ પદ માટે પર્વતસિંહ તાવિયાડની બિન હરીફ નિયુક્તિ કરવામાં આવી હતી.

THIS NEWS IS POWERED BY –– SHRI KRISHNA SWEETS

ગત રોજ ફતેપુરા તાલુકા પંચાયતના પ્રમુખ અને ઉપપ્રમુખ માટે ફતેપુરા તાલુકા પંચાયતના સભાખંડમાં પ્રમુખ અને ઉપપ્રમુખની ચૂંટણી યોજવામાં આવી હતી તેમજ સુલેહ શાંતિ માટે પોલીસ બંદોબસ્ત ગોઠવી દેવામાં આવ્યો હતો. ફતેપુરા તાલુકા પંચાયતના વિજેતા ઉમેદવારો સિવાયના વ્યક્તિઓને પ્રવેશ કરવા દેવામાં આવ્યો ન હતો ચુસ્ત પોલીસ બંદોબસ્ત સાથે પ્રમુખ અને ઉપપ્રમુખની ચૂંટણી માટે ફતેપુરા મામલતદાર પી. એન.પરમાર તથા તાલુકા વિકાસ અધિકારી પી. એસ. અમલીયારની અધ્યક્ષતામાં ચૂંટણી યોજાઈ હતી. જેમાં વાંગડ તાલુકા પંચાયત સીટના વિજેતા ઉમેદવાર રમીલાબેન પારગીને પ્રમુખ જાહેર કરવામાં આવ્યા હતા, જ્યારે ડુંગર તાલુકા પંચાયત સીટના વિજેતા ઉમેદવાર પર્વતસિંહ જગજીભાઈ તાવિયાડને ઉપપ્રમુખ જાહેર કરાયા હતા. પ્રમુખ અને ઉપપ્રમુખ જાહેર થતા સમર્થકો દ્વારા બંને વિજેતા ઉમેદવારોની ફૂલહાર પહેરાવી તેમનું સ્વાગત કર્યું હતું. કાર્યકરો દ્વારા એકબીજાને મીઠાઇ ખવડાવી મોઢું મીઠું કરાવવામાં આવ્યુ હતું.