દાહોદના ગોદી રોડ પર આવેલ અગ્રશેન ભવન ખાતે વર્ષ 2022-23 નો રોટરી ક્લબ ઓફ ડાયમંડ દાહોદ દ્વારા તા.૧૧/૦૮/૨૦૨૩ ને શુક્રવારના રોજ પદ સંકલ્પ સમારોહ યોજવામાં આવ્યો હતો. સમારોહની શરૂવાત ભારતીય પરંપરા મુજબ સ્વાગત ગીત થી કરવામાં આવી, ત્યારબાદ મંચસ્થ મહેમાનો દ્વારા દીપ પ્રાગટ્ય કર્યા બાદ રોટરી ક્લબ દાહોદ ના પ્રેસિડેન્ટ રોટે. હીરાલાલ સોલંકી દ્વારા આમંત્રિત મહેમાનોના શાબ્દિક સ્વાગત બાદ મંચસ્મથ મહેમાનોનું પુષ્પગુચ્છ તથા શિલ્ડ આપી સ્વાગત કરવામાં આવ્યું. જેમાં દાહોદ રોટે. હીરાલાલ સોલંકીના આમંત્રણને માન આપી ઇન્દોર થી પધારેલ ડિસ્ટ્રિક્ટ ગવર્નર રોટે. રીતુ ગ્રોવર, દાહોદ ધારાસભ્ય કનૈયાલાલ કિશોરી, રોટે અમિત તનેજા, રોટે સંસ્કાર કોઠારી, રોટે ઉમંગ સક્સેના, રોટે જયંત સિંઘલ પધારેલ હતા.
ત્યારબાદ રોટરી ક્લબના નવા સભ્યોને રીતુ ગ્રોવર દ્વારા પદગ્રહણ માટે પ્રતિજ્ઞા લેવડાવી હતી, ત્યારબાદ આવેલ મહેમાનોને પ્રમાણપત્ર આપી સન્માનિત કરવામાં આવ્યા હતા. રોટરી ક્લબ દ્વારા પત્રકારોને પણ સન્માનિત કરવામાં આવ્યા હતા. સમારંભનું સમાપન રોટે. હીરાલાલ સોલંકી પ્રેસિડેન્ટ દાહોદ દ્વારા આમંત્રિત મહેમાનો નો આભાર માની કાર્યક્રમ પૂર્ણ કરવામાં આવ્યો હતો સમારંભ પૂરો થતાની સાથે આવેલ મહેમાનો માટે ભોજનની વ્યવસ્થા પણ કરવામાં આવી હતી.
