દાહોદમાં દાઉદી બોહરા સમુદાયનો ઈતિહાસ ઘણી સદીઓ જૂનો છે. દાહોદના વિવિધ વિસ્તારોમાં 18,000 થી વધુ દાઉદી બોહરા સભ્યો રહે છે અને સામાજિક – આર્થિક વિકાસમાં મહત્વપૂર્ણ યોગદાન આપે છે. વેપાર અને વાણિજ્ય તેમના જીવનમાં મહત્વની ભૂમિકા ભજવે છે અને ઘણા લોકો કૃષિ સાધનો, અનાજ અને કાપડના વ્યવસાયમાં રોકાયેલા છે. બોહરા સમુદાયના હજારો સભ્યો આજે તા.૧૧/૦૯/૨૦૨૩ ને સોમવારના રોજ એમ.જી. રોડ પર આવેલી નઝમી મસ્જિદ સંકુલમાં તેમના ધાર્મિક નેતા પરમ પવિત્ર સૈયદના મુફદ્દલ સૈફુદ્દીનનું શહેરમાં ઉષ્માભર્યું સ્વાગત કરવા માટે એકઠા થયા હતા.
2014માં સમુદાયનું નેતૃત્વ સંભાળ્યા બાદ સૈયદનાની દાહોદની આ પ્રથમ મુલાકાત છે. તેમની મુલાકાત દરમિયાન, સૈયદના સાહેબ પયગંબર મુહમ્મદના નવાસા ઇમામ હસનની પુણ્યતિથિ નિમિત્તે ઉપદેશ આપશે. તેઓ શહેરમાં ત્રણ મસ્જિદોનું ઉદ્ઘાટન પણ કરશે અને બે સામુદાયિક શાળાઓ અને સૈફી હોસ્પિટલની મુલાકાત લીધી હતી. સૈયદના સાહેબે માર્ચ 2022 માં વર્ચ્યુઅલ સમારોહ દ્વારા સૈફી હોસ્પિટલનું (અંજુમન હોસ્પિટલ) ઉદ્ઘાટન કર્યું હતું, અને હવે તેઓએ વ્યક્તિગત રીતે હોસ્પિટલની મુલાકાત લીધેલ અને તેના ટ્રસ્ટીઓ અને મેનેજમેન્ટ સાથે વાતચીત પણ વાત કરી હતી
દાહોદમાં દાઉદી બોહરા સમુદાયના પી.આર. કોઓર્ડિનેટર અલી અકબર પિટોલવાલા એ સમુદાય દ્વારા કરવામાં આવેલી વ્યવસ્થાઓ પર વાત કરતા જણાવ્યું હતું કે, “અમે ખૂબ જ ભાગ્યશાળી છીએ કે અમને 10 વર્ષના સમયગાળા પછી દાહોદમાં સૈયદના સાહેબની યજમાની કરવાનો મોકો મળ્યો છે”. સૈયદના અને સમગ્ર પ્રતિનિધિ મંડળ માટે આરામદાયક રોકાણ સુનિશ્ચિત કરવા માટે વિવિધ સમિતિઓ અને સ્વયંસેવકોને સક્રિય કરવામાં આવ્યા છે. અમે બધું સરળતાથી ચલાવવા માટે સ્થાનિક સત્તાવાળાઓ અને સરકારી સંસ્થાઓના સતત સમર્થન માટે આભારી છીએ. સૈયદના હાલમાં ગુજરાતના દાહોદ જિલ્લાના શહેરો અને ગામડાઓની મુલાકાતે છે. તેઓ લુણાવાડા અને ગોધરાની મુલાકાત લીધા પછી દાહોદ ખાતે પહોંચ્યા જ્યાં તેમણે ઉપદેશ આપ્યો, મસ્જિદોનું ઉદ્ઘાટન કર્યું અને સમુદાયના સભ્યો સાથે વાર્તાલાપ કર્યો અને તેમની સુખાકારી વિશે પૂછપરછ કરી.
