ઝાલોદ શહેર સહિત તાલુકામાં શ્રાવણના છેલ્લા સોમવારે શિવાલયોમાં શિવ ભક્તોની ભારે ભીડ જામી

 પવિત્ર શ્રાવણ માસનો ગઈ કાલે છેલ્લો સોમવાર હોઈ ઝાલોદ શહેર સહિત તાલુકાના તમામ શિવાલયોમાં શિવ ભક્તોની ભારે ભીડ જાેવા મળી હતી. વહેલી સવારથી જ શિવાલયો બમ બમ ભોલેના નાદથી ગુંજી ઉઠ્યો હતાં. વહેલી સવારથી લઈ મોડી સાંજ સુધી શિવાલયોમાં શિવ ભક્તોની ભારે ભીડ જાેવા મળી હતી. અનેક શિવાલયોમાં પુજા, અર્ચના, મહા આરતિ,ભંડારા સહિતના કાર્યક્રમો પણ યોજવામાં આવ્યાં હતાં. શહેર સહિત તાલુકામાં તમામ શિવાલયોને ભવ્ય રોશનીથી સણગારી દેવામાં આવ્યાં હતાં.ઝાલોદ સોમનાથ મહાદેવ મંદિર ખાતે પુજા, અર્ચના મહાઆરતી સહિત પ્રસાદી આયોજન પણ કરવામાં આવ્યું હતું. શિવ ભક્તોએ તમામ કાર્યક્રમોમાં ભક્તિભાવ પુર્વક જાેડાઈ પ્રસાદીનો લાભ લીધો હતો.