દાહોદ જિલ્લા કલેક્ટરનું જાહેરનામું હોવા છતાં સંજેલીમાં બજારો 4 વાગ્યા પછી પણ ખુલ્લા રહેતા પોલીસ સ્ટાફે બજાર બંધ કરાવ્યા

દાહોદ જિલ્લામાં વધી રહેલા કોરોના કેસોના કારણે જિલ્લા કલેકટર દ્વારા જાહેરનામું બહાર પાડવામાં આવ્યું, જે મુજબ હાલમાં કોરોનાના સંક્ર્મણને અટકાવવા માટે સમગ્ર દાહોદ જિલ્લામાં બપોરના 04:00 વાગ્યા થી બીજા દિવસે સવારના 06:00 વાગ્યા સુધી લોકડાઉન કરવુ અને બજારો બંધ રાખવા માટેનું જાહેરનામું બહાર પાડવામાં આવ્યું છે. તેમજ રાત્રી કર્ફ્યુ પણ રાખેલ છે. તેમ છતાં પણ આજે તા.૧૨/૦૪/૨૦૨૧ ને સોમવારના રોજ સંજેલી નગરમાં બપોરના 04:00 વાગ્યા પછી પણ બજારો ખુલ્લા રહેતા સંજેલી પોલીસ સ્ટાફ દ્વારા તમામ દુકાનો બંધ કરાવાઈ હતી.