સ્વચ્છતા ત્યાં સ્વસ્થતા, સ્વચ્છતાથી જ સ્વસ્થતા
દાહોદ જિલ્લા પ્રોગ્રામ ઓફિસર ઇરાબેન ચૌહાણના માર્ગદર્શન હેઠળ દાહોદ તાલુકા પંચાયત ખાતે આવેલી મહિલા અને બાળવિકાસ કચેરીની સફાઈ અભિયાન હાથ ધરવામાં આવ્યું હતું. અને સાથે રેકર્ડ વર્ગીકરણની કામગીરી કરવામાં આવી હતી. કચરાને એકઠો કરી સળગાવીને નાશ કરવામાં આવ્યો હતો. તેમજ અન્ય કચરો એકત્રીત કરવાની ગાડીમાં કચરાનો યોગ્ય નિકાલ કરવામાં આવ્યો હતો. આ તકે સફાઈકર્મીઓ સહભાગી થઈને દાહોદને સ્વચ્છ અને સુંદર બનાવવામાં યોગદાન આપ્યું હતું. આ વેળાએ મહિલા અને બાળવિકાસ કચેરીના કર્મયોગીઓ ઉપસ્થિત રહ્યા હતા.
