દાહોદ તાલુકાના નગરાળા પ્રાથમિક આરોગ્ય કેન્દ્ર ખાતે મુખ્ય જિલ્લા આરોગ્ય અધિકારી ડૉ. ઉદય ટીલાવતના માર્ગદર્શન હેઠળ તથા તાલુકા હેલ્થ ઓફિસર ડૉ. ભગીરથ બામણીયાના અધ્યક્ષ સ્થાને નગરાળા પ્રાથમિક આરોગ્ય કેન્દ્ર ખાતે ઝાયડસ મેડિકલ કોલેજ અને હોસ્પિટલની મોબાઈલ બ્લડ ડોનેશન વાન દ્વારા બ્લડ ડોનેશન કેમ્પ યોજાયો હતો.
આ કેમ્પ દરમ્યાન કુલ ૨૧ યુનિટ જેટલું બ્લડ કલેક્શન કરવામાં આવ્યું હતું. આવો અને પવિત્ર કાર્યમાં ભાગીદાર બનો! તમારું એક બોટલ લોહી – અનેક જીંદગીઓ માટે આશાની કિરણ બની શકે છે. સગર્ભા માતાઓ – નવજાત શિશુઓને જરૂરત સમયે લોહી મળી રહે – એ માટે રક્તદાન અમૂલ્ય છે. ચાલો, જીવન બચાવીએ,આવો રક્તદાન કરીએ સૂત્ર સાથે નગરાળા પ્રાથમિક આરોગ્ય કેન્દ્રના મેડિકલ ઓફિસરશ્રી દ્વારા તમામ રક્તદાતાઓનો ખૂબ ખૂબ આભાર વ્યક્ત કરવામાં આવ્યો હતો.
