PRIYANK CHAUHAN – GARBADA
પલ્સ પોલિયો અભિયાન હેઠળ તારીખ.૨૯/૦૧/૨૦૧૭ તથા તારીખ.૦૨/૦૪/૨૦૧૭ ના રોજ નવજાતથી પાંચ વર્ષની ઉમર સુધીના બાળકોને પોલિયોની રસીના બે ટીપાં પીવડાવવાનું આયોજન જિલ્લા આરોગ્ય વિભાગ દ્વારા હાથ ધરવામાં આવ્યું છે.
રાષ્ટ્રીય પલ્સ પોલિયો અભિયાન હેઠળ નવી પેઢીને આજીવન અપંગતાથી મુક્ત અને સ્વસ્થ રાખવા નિયમિત સમયાંતરે નવજાતથી પાંચ વર્ષની ઉમર સુધીના બાળકોને પોલિયોની રસીના બે ટીપાં પીવડાવવામાં આવે છે. જે અંતર્ગત ગરબાડા તાલુકામાં આવતી કાલે તારીખ.૨૯/૦૧/૨૦૧૭ રવિવારના રોજ નવજાતથી પાંચ વર્ષની ઉમર સુધીના બાળકોને પોલિયો અટકાવતી પોલિયો રસી પીવડાવવામાં આવશે.
આ અભિયાનને સફળ બનાવવા પોલિયો રસીકરણ કાર્યક્રમના ભાગરૂપે આજ તારીખ.૨૮/૦૧/૨૦૧૬ ના રોજ સવારમાં ગરબાડા નગરમાં આરોગ્ય કર્મચારીઓ તથા શિક્ષકો સાથે સ્કૂલના વિદ્યાર્થીઓની પોલિયો વિરોધી સુત્રોચ્ચાર સાથે હાથમાં બેનર રાખી રેલી કાઢવામાં આવી હતી. જે તસવીરમાં નજરે પડે છે.
