ફતેપુરાના ભિટોડી પ્રાથમિક શાળાના આચાર્ય ગુજરાત રાજ્યની સૂર્ય નમસ્કાર કોમ્પિટિશનમાં પ્રથમ નંબર મેળવી આદિવાસી સમાજનું ગૌરવ વધાર્યું

આઝાદી કા અમૃત મહોત્સવ અંતર્ગત અમદાવાદ ખાતે રામુજીલાલ મેમોરિયલ હોલ, મણીનગર ખાતે સમગ્ર ગુજરાત રાજ્યની સૂર્ય નમસ્કાર કોમ્પિટિશન- 2022 15 મી ઓગસ્ટ – 2022 ના રોજ આયોજન કરવામાં આવ્યું હતું. આ સ્પર્ધામાં સમગ્ર ગુજરાત રાજ્યમાંથી જુદા જુદા જિલ્લાઓના Under – 15, Under – 30 અને Under – 55 વર્ષના સ્પર્ધકોની સ્પર્ધાનું આયોજન કરવામાં આવ્યું હતું. આ ઓપન કોમ્પિટિશનમાં જુદા-જુદા જિલ્લાઓમાંથી મોટી સંખ્યામાં સ્પર્ધકોએ ભાગ લીધો હતો. જેમાં દાહોદ જિલ્લાના ફતેપુરા તાલુકાના મોટા નટવા, જાંબુડી ગામના વતની અને હાલમાં ભીટોડી પ્રાથમિક શાળામાં આચાર્ય તરીકે ફરજ બજાવતા શંકરભાઈ કોયાભાઈ કટારાએ ૩૦ વર્ષથી ૫૫ વર્ષની વયમાં ભાગ લીધેલ હતો. તેઓએ સવારે ૦૭:૦૦ કલાકથી ૧૧:૩૦ કલાક સુધી સળંગ નોન સ્ટોપ ૫૨૧ સૂર્ય નમસ્કાર કરી સમગ્ર રાજ્યમાં પ્રથમ નંબર મેળવીને દાહોદ જિલ્લાનું, મોટા નટવા ગામ તથા આદિવાસી સમાજનું અને શિક્ષક સમાજનું નામ ઊંચુ કર્યું હતુ.