ફતેપુરા તાલુકામાં લગભગ બધી જગ્યાએ વરસાદ વરસ્યો છે ત્યારે ફતેપુરા તાલુકાના ભિચોર ગામે વરસાદી પાણી પ્રાથમિક શાળામાં ઘૂસી જવા પામ્યું છે. જો કે આજે જાહેર રજા હોવાના કારણે શાળામાં વિદ્યાર્થીઓ કે શિક્ષકો હાજર ન હતા. જેના પગલે કોઈ અવ્યવસ્થાઓ સર્જાવા પામી નથી. પરંતુ જો ચાલુ દિવસે આ રીત નો વરસાદ વરસસે અને શાળામાં શિક્ષકો અને વિદ્યાર્થીઓ હાજર હશે ત્યારે આ પ્રાથમિક શાળામાં વરસાદી પાણી ઘૂસી જશે, ત્યારે પરિસ્થિતિ વિકટ બનશે. ત્યારે લાગતા વળગતા તંત્ર દ્વારા આ બાબતની ગંભીર નોંધ લઈને સ્કૂલમાં વરસાદી પાણી ન ભરાય તેવું આયોજન કરવામાં આવે તે ખૂબ જ જરૂરી છે.
