ફતેપુરા પોલીસે સલારા ચોકડી પાસે ગેરકાયદેસર રીતે વિદેશી દારૂની હેરફેર કરતા એક ઇસમને સ્કોડા ગાડી સહિત કુલ ₹.૪,૦૩,૪૪૦ ના મુદ્દામાલ સાથે ઝડપી પાડવામાં મળેલ સફળતા

દાહોદ જિલ્લાના ફતેપુરા તાલુકાના મુખ્ય મથક ફતેપુરા પોલીસ ને દારૂ અને જુગારની પ્રવૃતિને નેસ્તોનાબુદ કરવાની સુચના ઉપલા અધિકારીઓ દ્વારા આપવામાં આવેલ હોઈ જે આધારે ફતેપુરા P.S.I. સી.બી. બરંડા તથા સ્ટાફના માણસો નાઈટ પેટ્રોલિંગમાં હતા. તેવામાં P.S.I. સી.બી. બરંડા ને ખાનગી રાહે બાતમી મળેલ કે રાજસ્થાન તરફથી એક સિલ્વર કલરની સ્કોડા ગાડી GJ-01 KG-0249 નંબરની ગાડીમાં અમુક માણસો ઇંગ્લિશ દારૂ લઇ રાજસ્થાન તરફથી સલરા ગામ તરફ આવી રહ્યા છે. તે બાતમીના આધારે સલરા ગામે ચાર રસ્તા પાસે પોલીસ સ્ટાફના માણસો સાથે વોચ તપાસમાં હતા, તે દરમિયાન ઉપરોક્ત વર્ણન વાળી સ્કોડા ગાડી આવતા પોલીસના માણસોને વાહન ચેકિંગ કરતા થોડે દૂરથી જોઈ જતા આરોપીઓ પોતાની ગાડી પાછી વાળવા કરતા હોય જેથી એવામાં પોલીસના માણસો ગાડી જોઈ જતા સદર ગાડી ઉપર શંકા જતા ગાડી રોકવા તેના ડ્રાંઇવર ને ઈશારો કરતા તેને ગાડી રોકી ન હતી અને ગાડી પાછી પલટાવતા હતા તે જોઈ ગાડી રોકવા પોલીસના માણસો દોડીને ગયા એવામાં ગાડીના ડ્રાઈવર સીટની બાજુની સીટમાંમાં બેઠેલ એક ઈસમ ગાડીમાંથી નીચે ઉતરી અંધારાનો લાભ લઇ ખુલ્લા ખેતરોમાં નાસી ગયો અને ડ્રાઈવર સીટ ઉપર બેઠેલ એક ઈસમને પોલીસે પકડી પાડયો અને તેને તેના નામ ઠામની પૂછપરછ કરતા તેણે પોતાનું નામ અરવિંદભાઈ ઉર્ફે પ્રવીણભાઈ ચંદુભાઇ રાઠોડ ઉ.વ. 40 વર્ષ રહે.ગોવિંદપુરા તા.હાલોલ જી.પંચમહાલનો હોવાનું જણાવ્યું હતું તથા ભાગી છૂટેલા ઇસમનુ નામ ઠામ પુછતા ફરાર ઇસમનુ નામ મહેન્દ્રભાઈ પરમાર રહે.જલિયાપાના મુવાડા, તા.ગોધરા, જી.પંચમહાલનો હોવાનું જણાવ્યું હતું. સદર ઝડપાયેલા ઈસમની ગાડીમાં ચેક કરતા ગાડીની ડીકીમાંથી ભારતીય બનાવટના વિદેશી દારૂની અલગ-અલગ બ્રાન્ડની ફુલ 280 બોટલ વગર પાસ પરમિટની મળી આવી હતી. જેની કિંમત ₹.૧,૦૩,૪૪૦/- ની મળી આવેલ. ગાડીની કિંમત રૂપિયા ૩ લાખ મળી કુલ ₹. ૪,૦૩,૪૪૦/- બિનઅધિકૃત ભારતીય બનાવટના વિદેશી દારૂની હરેફેર કરી ગુનો કરતા ઇસમોને પકડી આગળની કાર્યવાહી હાથ ધરી હતી.