ફતેપુરા મામલતદાર કચેરી ખાતે ‘તાઉ’તે વાવાઝોડાના પગલે ડેપ્યુટી કલેકટરે અધિકારીઓની યોજી સંકલન મીટીંગ

દાહોદ જિલ્લાના ફતેપુરા તાલુકાના મુખ્ય મથક ફતેપુરાની મામલદાર કચેરી ખાતે આજે તા.૧૭/૦૫/૨૦૨૧ ને સોમવારના રોજ વાવાઝોડાના લાયઝન અધિકારીને પગલે ડેપ્યુડી કલેકટર આર. બી.ગ્રામીતની અધ્યક્ષતામા મામલતદાર, તાલુકા વિકાસ અધિકારી, આરોગ્ય અધિકારી, પી. એસ.આઈ. વિગેરે અધિકારીઓની હાજરીમાં ‘તાઉ’તે વાવાઝોડાની અસરના કારણે બેઠક રાખવામા આવી હતી. આ બેઠકમા વાવાઝોડાની ખરાબ પરિસ્થિતિમાં વિજળી ડુલ થાય તો કોરોનાના દર્દીઓને ઓક્સિજનની અગવડતા ના પડે અને ઓક્સિજન પૂરતો મળતો રહે તે માટે વ્યવસ્થાઓ કરવા સુચના અપાઇ હતી. વાવાઝોડા દરમિયાન ઝાડ પડવા થી રસ્તાઓ બ્લોક ન થાય અને કોઈ અનિચ્છનીય ધટના ન બને તેની તકેદારી રાખવા દરેક ખાતાકીય અધિકારીઓને હાજર રહેવા સુચના આપવામા આવી હતી. વધુમાં આવું કાંઈ બને તો સત્વરે તેની પુષ્ટિ કરી યોગ્ય સાવચેતી રાખી ઘટતું કરવા જાણકારી આપી હતી.