દાહોદ જિલ્લા પંચાયત આરોગ્ય વિભાગ, ઝાયડસ મેડીકલ કોલેજ અને હોસ્પિટલની મોબાઇલ બ્લડ ડોનેશન વાન તથા પ્રાથમિક આરોગ્ય કેન્દ્ર, રેંટિયા અને જેકોટના સહયોગ થકી ગ્રામ્ય કક્ષાએ રક્તદાન કેમ્પનુ આયોજન કરવામાં આવ્યું હતું. આ કેમ્પ નિમિતે ૨૫ થી વધુ બ્લ્ડ યુનિટનું કલેકશન કરવામાં આવ્યું છે.
આ રક્તદાન કેમ્પની અંદર છાપરી ગામના સરપંચ લતાબેન દ્વારા પણ બ્લડ ડોનેટ કરવામાં આવ્યું હતું. એ સાથે ગામના આશા બહેન સપનાબેન સંગાડા દ્વારા તથા આરોગ્ય કર્મચારીઓ દ્વારા બ્લડ ડોનેટ કરીને એક માનવતા સહિત કરી લોક જાગૃતિનું કાર્ય કરવામાં આવ્યું હતું. જેના થકી ગામના યુવા નાગરિકો બ્લડ ડોનેશન કરવા આગળ આવે અને જરૂરિયાત મંદ લોકોને એનો લાભ મળે તેવા હેતુથી બ્લડ ડોનેશન કરવામાં આવ્યું હતું.
દાહોદ જિલ્લો અતિ પછાત અને દુર્ગમ વિસ્તાર તરીકે જાણીતો હોવાથી અહીંના લોકો બ્લડ ડોનેશન કરવામાં ખુબજ અંધશ્રદ્ધા ધરાવતા હોય છે, જેના લીધે ગ્રામ્ય કક્ષાએ કેમ્પ કરીને લોકોને અંધશ્રદ્ધાથી બહાર કાઢવા માટે જાતે સરપંચ અને આશા બહેન દ્વારા બ્લડ ડોનેશન કરવામાં આવ્યું હતું.
અતિ જોખમી સગર્ભા માતાઓ, ગંભીર બિમારી ધરાવતા નવજાત શિશુઓ અને અન્ય જરૂરતમંદને તાત્કાલિક અને સમયસર રકત પુરૂ પાડી શકાય તે હેતુથી મુખ્ય જિલ્લા આરોગ્ય અધિકારી તથા તાલુકા હેલ્થ ઓફિસર દ્વારા દાહોદના માર્ગદર્શન હેઠળ તમામ પ્રાથમિક આરોગ્ય કેન્દ્રો ખાતે રક્તદાન કેમ્પનું આયોજન કરવામાં આવ્યું હતું. ૧૮ થી ૬૫ વર્ષની તંદુરસ્ત વ્યક્તિ દર ૯૦ દિવસના અંતરે રક્તદાન કરી શકે છે. આવો, આપણે સહુ સાથે મળીને રક્તદાનની આ પ્રવૃત્તિને વેગવંતી બનાવવા પુરતા પ્રયત્નો કરીએ. રક્તદાન કરી આનંદની લાગણી અનુભવીએ.
આ યોજાયેલ બ્લડ ડોનેશન કેમ્પમાં ૨૫ થી વધુ બ્લ્ડ યુનિટનું કલેકશન કરવામાં આવ્યું હતું. જેમાં આરોગ્ય કેન્દ્રનો સ્ટાફ, આશાબહેનો, આંગણવાડીના બહેનો અને ગ્રામ્ય વિસ્તારના ઉત્સાહી રકતદાતાઓની પ્રેરણાદાયી કામગીરી માટે પ્રાથમિક આરોગ્ય કેન્દ્રના મેડિકલ ઓફિસર ડૉ.શ્રેયા ઠક્કર અને ડૉ.હીરલ દેસાઈ દ્વારા અભિનંદન પાઠવવા આવ્યા હતા.
