PIYUSH GAJJAR – VIRAMGAM
વિરમગામ શહેરમા માંધાતા યુવા ગૃપ દ્વારા કોળી સમાજના ઇષ્ટદેવ ગણાતાં વીર માંધાતા પ્રાગટ્ય દિન નિમિત્તે આજરોજ શહેરમા વસતા કોળી પટેલ સમાજના લોકો દ્વારા વિશાળ શોભાયાત્રા કાઢવામાં આવી હતી આ શોભાયાત્રામા મોટી સંખ્યામાં સમાજના ભાઇઓ, બહેનો, વડીલો તેમજ નાના બાળકો જોડાયાં હતાં શોભાયાત્રા બપોરે 2 કલાકે શહેરના ગાયત્રી મંદિર થી પરકોટા, ગોલવાડી દરવાજા સહિત વિવિઘ માર્ગો પર નીકળી હતી.
વઘુમાં શહેરના પરકોટા વિસ્તારમાં સરદાર પટેલ ગૃપ વિરમગામ દ્વારા શોભાયાત્રામા ઉપસ્થિત લોકો માટે પીવાના પાણી તેમજ આઈસ્ક્રીમની વ્યવસ્થા કરાઇ હતી. ઉલ્લેખનીય છે કે શોભાયાત્રાની સાથે દર વર્ષે આ સમાજ એકત્રિત થઇ શિક્ષિત, સંગઠીત અને વ્યસનમુક્ત બને તે માટે સમાજના લોકો મોટી સંખ્યામાં ઉપસ્થિત રહે છે. આ શોભાયાત્રામા પૂર્વ સાસંદ સોમાભાઈ પટેલ સહિત માંધાતા યુવા ગૃપના કાર્યકરો અને હોદ્દેદારો ઉપસ્થિત રહ્યા હતા.
