સંજેલીની ડો.શિલ્પન આર. જોશી મેમોરીયલ હાઇસ્કુલમાં વર્ષ 2023-24 નો તાલુકા યુવા ઉત્સવ ઉજવવામાં આવ્યો

દાહોદ જિલ્લાના સંજેલી તાલુકાના મુખ્ય મથક સંજેલીમાં તા.૨૦/૦૭/૨૦૨૩ ને ગુરુવારના રોજ ડો.શિલ્પન આર. જોશી મેમોરીયલ હાઇસ્કુલમાં વર્ષ 2023-24 નો તાલુકા યુવા ઉત્સવ ઉજવવામાં આવ્યો. જેમાં તાલુકાની વિવિધ શાળાઓએ અલગ અલગ કૃતિઓમાં ભાગ લીધો હતો. આ ઉત્સવમાં દરેક સ્પર્ધકે નંબર મેળવવા માટે ખૂબ જ સારું પ્રદર્શન કર્યું હતું. જેમાં એક પાત્રીય અભિનય / ભજન / વકૃત્વ સ્પર્ધા / સમૂહ ગીત / નિબંધ સ્પર્ધા વગેરે અલગ અલગ કૃતિઓ રજૂ કરવામાં આવી હતી. સંજેલી તાલુકામાં શ્રી ઉચ્ચતર માધ્યમિક કન્યા વિદ્યાલય, સંજેલીએ એક પાત્રીય અભિનય / વકૃત્વ સ્પર્ધા અને સમૂહ ગીતમાં પ્રથમ નંબર મેળવી વિજેતા રહ્યા હતા જ્યારે ભજન / નિબંધ લેખન સ્પર્ધા અને ચિત્ર સ્પર્ધામાં ડો. શિલ્પન આર. જોશી પ્રથમ નંબરે વિજેતા રહ્યા હતા. શાળાના આચાર્ય અને સાંસ્કૃતિક કન્વીનરો દ્વારા વિજેતા વિદ્યાર્થીઓને શુભેચ્છા પાઠવવામાં આવી હતી.