THIS NEWS IS SPONSORED BY : RAHUL HONDA
દાહોદ જિલ્લાના ઝાલોદ તાલુકાના મુખ્ય મથક ઝાલોદ નગરમાં લોકમુખે ચાલતી ચર્ચા અનુસાર બી. એમ. હાઇસ્કુલમાં ગણિત-વિજ્ઞાનના શિક્ષક પ્રીતેશ પટેલ પોતાને ત્યાં એક વિદ્યાર્થીની ઘણા સમયથી ટ્યુશન આવતી હતી તે વિદ્યાર્થિનીની બે-ત્રણ દિવસ પહેલા આ લંપટ શિક્ષકે છેડતી કરી દુષ્કૃત્ય કરવાની કોશિશ કરતા આ વિદ્યાર્થીની ટ્યુશનમાં જવાનું બંધ કરી દીધું હતું આ સગીરા ટ્યુશને ન જતા સગીરાના માતા પિતાએ ટ્યુશનમાં ન જવાનું કારણ પૂછતાં ટ્યુશન શિક્ષકે મારી છેડતી કરતા દુષ્કૃત્ય કરવાનો પ્રયત્ન કર્યો તેમ સગીરાએ કહેતા તેના માતા-પિતા આજ રોજ સવારમાં બી. એમ. હાઇસ્કુલમાં જઈ આ ગણિત વિજ્ઞાનના શિક્ષક પ્રીતેશ પટેલને શાળામાંથી બહાર લાવી ઢોર માર માર્યો અને ત્યારબાદ આ શિક્ષકની છોડી દેતા શિક્ષક ત્યાંથી નાસી ગયો હતો.
ત્યારબાદ આ સગીરાના માતાપિતાએ ઝાલોદ પોલીસ મથકે જઈ આ લંપટ શિક્ષક પ્રીતેશ પટેલ વિરુદ્ધ ફરિયાદ નોંધાવતા ઝાલોદ પોલીસે આ શિક્ષકની કલમ 354, પોકસો એક્ટ અને એક્ટ્રોસીટીની ધારા મુજબ ધરપકડ કરી આગળની તપાસ હાથ ધરી છે.
