ઝાલોદ પોલીસને ગેરકાયદેસર ઈંગ્લિશ દારૂની હેરાફેરી કરતી ગાડી સહિત રૂ. ૩,૬૭,૬૦૦ નાં મુદ્દામાલ સાથે ઝડપી પાડવામાં મળેલ સફળતા

ઝાલોદ પોલીસ તારીખ ૦૨/૦૯/૨૦૨૨ ના રોજ રાત્રીના ૧૧ વાગ્યાની આસપાસ સાંપોઇ બાજુ પેટ્રોલીંગમાં હતી, તે દરમ્યાન બાતમીના આધારે બાજરવાડા ગામ તરફથી બાતમી મળેલ ગાડી આવતા રોકવાનો પ્રયત્ન કરેલ, પોલીસને જોઈ બે ઇસમો ગાડી દૂર ઉભી રાખી અંધારાનો લાભ લઈ નાશી છુટેલ હતા. પોલિસ દ્વારા નાશી છુટેલ ઈસમોને દૂરથી ઓળખી ગયેલ હતી, ત્યાર બાદ ગાડીની પાસે પોલિસ દ્વારા આવી તપાસ કરતા ગાડીની આગળ પાછળ રજીસ્ટ્રેશન નંબર લખેલ જણાતો હતો નહીં, ત્યારબાદ ગાડી પોલીસ સ્ટેશનમાં લાવતા ભારતીય બનાવટની ઈંગ્લિશ દારુ તથા બીયરની ૨૯ પેટી મળી આવેલ હતી. તેમાં કુલ ૧,૧૭,૬૦૦ રૂપિયાનો દારૂનો જથ્થો તથા ૨,૫૦,૦૦૦ આઈ ટ્વેન્ટી ગાડી મળી કુલ ૩,૬૭,૬૦૦ નો મુદ્દામાલ પકડી પાડવામાં ઝાલોદ પોલીસને સફળતા મળેલ છે. અને ઓળખાણમાં આવેલ ઇસમો પર તપાસ કરી આગળની કાર્યવાહી હાથ ધરવામાં આવી છે.