દાહોદનાં લીમખેડાના દુધિયા ગામમાં કોરોના પોઝીટીવ આવતા પતરા મારી સીલ કરી કન્ટેઇનમેન્ટ ઝોન જાહેર કરવામાં આવ્યો

દાહોદ જિલ્લાના લીમખેડા તાલુકાના દુધિયા નજીક પીપળી ગામમાં ગત તા.૧૮/૦૬/૨૦૨૦ ને ગુરુવારના રોજ કોરોના પોઝીટીવ નો એક કેસ આવ્યો હતો. દુધિયા ગામમાં શાકભાજી વેંચતા મુનિયા નિલેશભાઈ જેઓનો કોરોના પોઝીટીવ રિપોર્ટ આવતા તેને દાહોદની ઝાયડ્સ મેડિકલ કોલેજ અને હોસ્પિટલમાં ખસેડવામાં આવ્યો હતો અને આજે તા.૧૯/૦૬/૨૦૨૦ ને શુક્રવારના રોજ તે જે વિસ્તારમાં રહે છે તે આઝાદ ચોક વિસ્તારને કંટેઈનમેન્ટ વિસ્તાર જાહેર કરવામાં આવ્યો હતો અને તકેદારીના ભાગ રૂપે તે વિસ્તારને સંપૂર્ણ બંધ કરી શીલ કરી દેવામાં આવ્યો હતો, અને પોલીસ મૂકી દેવામાં આવી છે.