દાહોદ જિલ્લાના દાહોદ શહેર ખાતે દર્પણ ટોકીઝ રોડ પર આવેલ સ્વાસ્થ્ય જનરલ હોસ્પિટલમાં ગત રોજ તા.૧૧/૦૪/૨૦૨૨ ને મંગળવારના રોજ રાત્રીના અંદાજે ૧૦:૩૦ ની આસપાસ શોર્ટસર્કિટના કારણે આગ લાગી હતી. ઘટનાની જાણ થતાં ફાયર બ્રિગેડ તુરંત ઘટના સ્થળે પહોંચ્યું હતું અને ફાયર ફાયટરોએ આ જનરલ હોસ્પિટલના એલિવેશનના કાંચ તોડી પાણીના ફુવારાનો મારો ચલાવતા આગને કાબુમાં લીધી હતી. હોસ્પિટલમાં પેશન્ટો એડમીટ હતા તેમ છતાં સદ્દનસીબે કોઈ જાનહાની કે જાનમાલને નુકસાન થયેલ નથી. આ ઘટનાક્રમમાં શોર્ટસર્કિટ કેવી રીતે થયું તે જાણી શકાયું નથી.
