શામળાજી હોમિયોપેથિક મેડિકલ, ગોધરા દ્વારા “સ્વાસ્થ્ય રક્ષણ તથા સ્વાસ્થ્ય સંવર્ધન હોમિયોપેથીની ભૂમિકા” તેમજ “વિશ્વ આરોગ્ય દિવસ ૨૦૨૫ અને વિશ્વ હોમિયોપેથિક દિવસ-૨૦૨૫” થીમ આધારિત આયોજન વિષય પર ખાસ ટોક શો યોજવામાં આવ્યો હતો. આ ટોક શો નિમિતે દાહોદ જિલ્લાના ડી.એ.ઓ. ડૉ. સુધીર જોશીને રિસોર્સ પર્સન અને ગેસ્ટ સ્પીકર તરીકે આમંત્રણ આપવામાં આવ્યું હતું.
આ દરમ્યાન ડૉ. સુધીર જોશીએ લાઇવ ઇન્ટરેક્શન સાથે વિગતવાર પ્રેઝન્ટેશન આપ્યું હતું. આ કાર્યક્રમ દરમ્યાન વિદ્યાર્થીઓ સંપૂર્ણપણે પ્રેરિત થયા અને હવે તેઓ WHD ૨૦૨૫ ઉજવણી માટે વિવિધ કાર્યક્રમોમાં ભાગ લેવા માટે તૈયાર છે એમ ડૉ. સુધીર જોશીએ જણાવ્યું હતું.
આ કાર્યક્રમના આમંત્રણ અને કાર્યક્રમનું આયોજન કરવા બદલ ડૉ. સુધીર જોશીએ પ્રિન્સિપાલ ગુપ્તા સર અને ટ્રસ્ટી ડૉ. વિશાલ સોનીનો આભાર વ્યક્ત કર્યો હતો.
