દાહોદ જિલ્લા પોલીસ વડા ડો.રાજદીપસિંહ ઝાલાની સૂચના થી અને ઝાલોદ Dy.S.P. ડી.આર. પટેલ ના માર્ગદર્શનથી લીમડી પોલીસ સ્ટેશનના પી.આઇ કે.કે. રાજપૂતેને મળેલી બાતમીના આધારે તેઓ સ્ટાફ સાથે જયારે મીરાખેડી વાહન ચેકીંગમાં હતા તે દરમિયાન બાતમી વાળી નંબર પ્લેટ વગરની મોટરસાયકલ ઉપર બે ઈસમો સવાર થઇ આવ્યા હતા. તેઓને રોકી પૂછપરછ કરતા તેઓના નામ મોહમ્મદ શાહરુન શરીફ મલિક તથા નાસિર આરીફ સૈયદ અને ત્રીજો ફરમાન સલીમ અહેમદ શેખ તમામ હાલ રહેવાસી કસ્બા, ઘાંચીવાડ, મૂળ રહે. મુઝ્ઝફરનગર અને ચૌસાના શામલી જિલ્લો ઉત્તરપ્રદેશ આ ત્રણે આરોપીઓની બાઈકની પોલીસ દ્વારા એન્જીન ચેસીસ નંબર વેરીફાય કરતા બાઈક લીમડી ગુજરાત અને મધ્યપ્રદેશના ચંદ્રશેખર આઝાદ નગર ગામોની ચોરી કરેલી હોવાનું બહાર આવતા પોલીસે તેઓને પોલીસ સ્ટેશન લઇ જઈ પોલીસ ભાષામાં પૂછતાછ કરતા તેઓએ કરેલ આંતરરાજય ઘરફોડ, ચોરી, વાહન અને લૂંટ કરી હોવાનું આ ગેંગના ત્રણ સભ્યોએ કબૂલ કર્યું હતું. લીમડી P.I. કે.કે. રાજપૂત દ્વારા તેમના પાસેથી બે પિસ્તોલ 10 જીવતા કારતૂસ, ચાર મોબાઇલ અને બે મોટરસાયકલ ઝડપી પાડી હતી અને આ આરોપીઓએ ગુજરાત, મધ્યપ્રદેશ, પંજાબ, હરિયાણા, ચંદીગઢ અને ઉત્તરાંચલ જેવા રાજ્યોમાં તેઓ દ્વારા કપડાં વેચવાની ફેરી કરી રેકી કરી અને ત્યાર પછી ગુનાઓને અંજામ આપવાનું કબૂલ કર્યું હતું. અને તેઓ સાથે કુલ ચાર જણા ગેંગમા સાથે મળી ગુનાઓને અંજામ આપતાં જે પૈકી ત્રણ આરોપીઓ પોલીસ સઘન પૂછપરછ કરી રહી છે અને તેમના ચોથા સગરીતની ભાળ મેળવવાની કોશિશ રહી છે.
દાહોદ જિલ્લાના લીમડી પોલીસ સ્ટેશનના P.I.એ આંતરરાજ્ય ઘરફોડ અને વાહન ચોરી ગેંગના ત્રણ સૂત્રધાર પકડી પાડી મુદ્દામાલ કબજે કરી જેલ ભેગા કર્યા
RELATED ARTICLES
