THIS NEWS IS SPONSORED BY –– SHRI KRISHNA SWEETS
દાહોદ જિલ્લામાં પણ બોર્ડની પરીક્ષાની તૈયારીઓ થઈ ગઈ છે. જેમાં દાહોદ જિલ્લા કલેકટર ડો. હર્ષિત ગોસાવી અને ડીડીઓ નેહા કુમારી દ્વારા વિવિધ સેન્ટર ઉપરની બેઠક વ્યવસ્થા અને ત્યાંની સુપરવિઝન સિસ્ટમની સમીક્ષા ગઈ કાલ તા.૨૭/૦૩/૨૦૨૨૨ ને રવિવારના રોજ કરી હતી.
જ્યારે દાહોદ જિલ્લા પોલીસ વડા હિતેશ જોયસરએ પણ પોતાના વિભાગ દ્વારા ચુસ્ત બંદોબસ્ત અને ભયમુક્ત વાતાવરણમાં વિદ્યાર્થીઓ પરીક્ષા આપે તે માટે પૂરતી તૈયારીઓ કરવામાં આવી હતી. આજે તા.૨૮/૦૩/૨૦૨૨ ને સોમવારના રોજ સવારમાં ૦૯:૩૦ કલાક થી વાલીઓ પોતાના પુત્ર / પુત્રી ( વિદ્યાર્થી ) ઓને સેન્ટર સુધી મુકવા આવ્યાં હતાં અને શાળાના મુખ્ય ગેટ ઉપર વિદ્યાર્થીઓને બિલ્ડીંગ કંડક્ટર અને શાળાના શિક્ષકો દ્વારા પુષ્પ આપી આવકારવામાં આવ્યાં હતાં. જેથી તેઓ ખુબજ શાંતિ પૂર્ણ રીતે સ્ટ્રેસ વગર પરીક્ષા આપી શકે. અને દરેકને પરીક્ષા માટે શુભેચ્છાઓ પાઠવી હતી.
ધો. – ૧૦ અને ધો. – ૧૨ની બોર્ડની પરીક્ષાના પ્રથમ દિવસે વિદ્યાર્થીઓને પુષ્પ ભેંટ આપીને શુભેચ્છા આપતા જિલ્લા વિકાસ અધિકારી નેહા કુમારી
વધુમાં ધો. – ૧૦ અને ધો. – ૧૨ની બોર્ડની પરીક્ષાનો દાહોદ જિલ્લામાં આજથી પ્રારંભ થયો છે ત્યારે પરીક્ષાના પ્રથમ દિવસે વાર્ષિક પરીક્ષા આપનારા વિદ્યાર્થીઓને જિલ્લા વિકાસ અધિકારી નેહા કુમારીએ પુષ્પ ભેંટ આપીને શુભેચ્છા પાઠવી હતી. તેમણે વિદ્યાર્થીઓને પ્રોત્સાહિત કર્યા હતા અને ર્નિભય થઇને પરિક્ષા આપવા જણાવ્યું હતું. આ વેળાએ દાહોદ નગરની એમ.વાય. હાઇસ્કુલ ખાતે જિલ્લા શિક્ષણાધિકારી કાજલબેન દવે, શાળાના આચાર્ય સહિતના અધિકારીઓ પણ ઉપસ્થિત રહ્યાં હતા અને વિદ્યાર્થીઓને શુભેચ્છા પાઠવી હતી.
