દાહોદ જિલ્લા શિક્ષણ અધિકારી મયુર પારેખે પ્રસરાવી માનવતાની મહેક

દાહોદ જિલ્લામાં આવેલ જી.એલ. શેઠ હાઈસ્કૂલ સિંગવડના વિદ્યાર્થી ભુરીયા શિવરાજભાઈ કાલીદાસ નુતન હાઇસ્કુલ, લીમખેડા ખાતે ધોરણ – 12 વિજ્ઞાન પ્રવાહની પરીક્ષા આપી રહ્યા હતા. જેઓને તા.૨૨/૦૩/૨૦૨૩ ને બુધવારના રોજ ટ્યુશન થી ઘરે જતા અકસ્માત થયો હતો અને બંને હાથ તથા ખભાના ભાગે ઇજાઓ થઈ હતી અને તેઓને આજે તા.૨૩/૦૩/૨૦૨૩ ને ગુરુવારના રોજ ધોરણ – 12 વિજ્ઞાન પ્રવાહના અંગ્રેજી વિષયની પરીક્ષા આપવાની હતી અને આ વિદ્યાર્થીની અકસ્માતની પરિસ્થિતિની જાણ ઝાલોદ તાલુકાના ધારાસભ્ય મહેશભાઈ ભૂરિયાએ જિલ્લા શિક્ષણાધિકારી મયુર પારેખને ૧૧:૩૦ કલાકે કરતા તેઓએ તાત્કાલિક આ વિદ્યાર્થી પરીક્ષા આપી શકે અને તેનું વર્ષ ન બગડે તે માટે માનવતાના ધોરણે ધોરણ – 11 માં અભ્યાસ કરતા વિદ્યાર્થિની રાઈટર તરીકેની મંજૂરી આપી વ્યવસ્થા કરી આપી હતી અને આમ ભુરીયા શિવરાજે આજ રોજ પોતાની પરીક્ષા આપી હતી. આ તબક્કે વિદ્યાર્થીના વાલીએ જિલ્લા શિક્ષણ અધિકારી મયુર પારેખ તથા સ્થળ સંચાલક એસ.પી. પરમાર નો આભાર વ્યક્ત કરી આંનદ  વ્યક્ત કર્યો હતો.