તા.૦૨/૧૨/૨૦૧૯ ને સોમવારના રોજ સવારના અંદાજે ૦૯:૦૦ કલાકે દેવગઢ બારીઆના જીવદયા પ્રેમી વકીલ મૌલિકભાઈ શાહ તેમના પરિવાર સાથે વડોદરા જઈ રહ્યા હતા. તે દરમ્યાન એક ટાટા સુપર Ace ગાડી નીકળી, જેમાં ૫ વાછરડાં ભરેલા હતા. તેમને તુરંત જ દેવગઢ બારીઆ પોલીસ તથા ગૌરક્ષક ટીમને જાણ કરતા પોલીસ અને ગૌરક્ષકોએ ગાડી રોકી તેને ચેક કરતા ક્રૂરતા પૂર્વક બાંધેલા કતલખાને કતલ કરવાના ઇરાદે લઈ જવાતા ૫ વાછરડાં બચાવવામાં આવ્યા. અને ૨ આરોપીઓની ધરપકડ કરી દેવગઢ બારીયા પોલીસે ઉત્કૃષ્ઠ કામગીરી કરેલ છે. આ ૫ વાછરડાંને ગોધરા ખાતે આવેેલ જીવ કલ્યાણ પરવડી પાંજરાપોળમાં સુરક્ષિત મુકવામાં આવ્યા છે.
આ ૫ ગૌવંશને બચાવવાની કામગીરીમાં હેડ કોન્સ્ટેબલ વિક્રમસિંહ, ગોવિંદભાઇ, જીતેન્દ્રભાઇ, રાકેશભાઈ & પોલીસ સ્ટાફ તેમજ દેવગઢ બારીઆ ગૌ રક્ષા દળ ટીમનો સારો સહયોગ મળ્યો હતો.
