ફતેપુરા પોલીસને મોટી બારા ગામ થી દારૂ લઈ જતા ખેપિયાને ઝડપવામાં મળેલ સફળતા

હોળી ધુળેટીના તહેવારને લઇ દારૂનો વપરાશ વધુ થતો હોય છે ત્યારે પોલીસની ચાંપતી નજર
ફતેપુરા PSI સી.બી. બરંડા તેમજ તેમની ટીમને મળેલી ખાનગી બાતમીના આધારે મોટી બારા ગામે વાહન ચેકિંગ કરી રહ્યા હતા, તે દરમિયાન એક સફેદ કલરની મારૂતિ ગાડી નંબર GJ – 17 BH – 3215 ની અંદર એક ઈસમ દારૂ ભરી રાજસ્થાનથી મોટી બારા ગામ તરફ આવે છે,  તેવી મળેલી બાતમીના આધારે મોટી બારા ગામે રોડ ઉપર નાકાબંધી કરી વોચ કરી રહ્યા હતા તે દરમિયાન ઉપરોક્ત વર્ણન વાળી મારુતિ આવતા તેને ઉભી રાખી તપાસ કરતા ગાડીની અંદરના ભાગે વચ્ચેની સીટમાં લોખંડની જાળી વાળા બનાવેલા ચોરસ ખાનામાંથી ભારતીય બનાવટ ઇંગ્લિશ દારૂ અલગ અલગ બ્રાન્ડની 750 મી.લી.ની બોટલ નંગ 36 કુલ રૂપિયા 25,920/- નો પ્રોહી મુદ્દામાલ તથા મારુતિ ઈન્ડીકા ગાડી કિંમત રૂપિયા 3 લાખ મળી કુલ રૂપિયા 3,25,920/- સાથે આરોપી વિનોદભાઈ વીરસીંગભાઇ બારીયા રહે બામરોલી ખુર્દ તાલુકો ગોધરાનાઓને પકડી પાડી પોલીસે પકડી પાડવામાં સફળતા મળેલ છે અને તે બાબતે પોલીસે આગળની કાર્યવાહી કરેલ છે.