મોડાસા વિકાસ મંડળ દ્વારા નગરની શાળાના 5000 વિદ્યાર્થીઓના ચાઇનીઝ તુક્કલ- દોરી નહીં વાપરવા શપથ અને આપડી મઝા કોઈ ની સઝામાં ના પરિણામે તે બાબતે જગૃતિ ફેલાવી 

ઉત્તરાયણ આનંદ અને ઉત્સાહનું પર્વ છે. આપણી મજા અન્ય કોઇ જીવ માટે સજા ના બની રહે તે માટે ભાસ્કર ગ્રુપ દ્વારા હાથ ધરાયેલા ઉજવો સેફ અને સાર્થક ઉત્તરાયણ ઝુંબેશથી પ્રેરાઇને મોડાસાના મારૂતી વિકાસ મંડળ દ્વારા નગરની સર્વોદય હાઇસ્કૂલ, મોડાસા હાઇસ્કૂલ, મખદૂમ હાઇસ્કૂલ, મદની હાઇસ્કૂલ, સરસ્વતી હાઇસ્કૂલ અને સરસ્વતી બાલમંદિર મંડળ સંચાલિત બે શાળાઓના અંદાજે 5 હજારથી વધુ વિદ્યાર્થીઓ પણ ઝુંબેશમાં સામેલ થયા છે. તમામ વિદ્યાર્થીઓએ ઉત્તરાયણ પર્વે ફટાકડા નહીં ફોડવા તેમજ ચાઇનીઝ તુક્કલ અને દોરીનો ઉપયોગ સંદતર ટાળવા શપથ લીધા હતા. કાર્યક્રમમાં મંડળના પ્રમુખ નિલેશભાઇ જોષી, પ્રિન્સીપાલ ર્ડા.આર.સી.મહેતા, મનીષભાઇ જોષી, આર.યુ.મનસુરી, યશવંતભાઇ વ્યાસ અને પાલિકા સદસ્ય આર.જી.વણકર ઉપસ્થિત રહયા હતા.
5000 વિદ્યાર્થીઓના ચાઇનીઝ તુક્કલ- દોરી નહીં વાપરવા શપથ