🅱️reaking : દાહોદ જિલ્લાના ગરબાડા – દાહોદ હાઇવે પર રામ ડુંગરા નજીક અકસ્માત સર્જાયો, અકસ્માતમાં બે વ્યક્તિઓના મોત

દાહોદ જિલ્લાના ગરબાડા – દાહોદ હાઇવે પર  વાહન ચાલકોની ગફલત અને બેદરકારીના લીધે અવારનવાર અકસ્માત સર્જાતા હોય છે. આજે તા.૧૬/૧૦/૨૦૨૨ ને રવિવારના રોજ સાંજના સમયે વધુ એક અકસ્માતની ઘટના બનવા પામી છે. જે ગરબાડા – દાહોદ હાઇવે પર રામ ડુંગરા નજીક બની હતી. જે અકસ્માતમાં ઇકો કારના ચાલકે ટુ-વ્હીલરને ટક્કર મારી અડફેટમાં લેતા અકસ્માત સર્જાયો હતો. જે અકસ્માતમાં બાઈક પર સવાર બે વ્યક્તિઓ રોડની સાઈડમાં ફંગોળાતા બંને વ્યક્તિઓના ઘટના સ્થળે જ  મોત નીપજ્યું હતું. અકસ્માતની જાણ થતા પોલીસ પણ ઘટના સ્થળે આવી ગઈ હતી અને બંનેના મૃતદેહને પીએમ માટે મોકલી આપીને આગળની કાર્યવાહી હાથ ધરી હતી.