“સક્ષમ ભારત – સક્ષમ દાહોદ – સક્ષમ સમાજ” માટે “લોકલ ફોર વોકલ” અને સ્વદેશી અપનાવાની પહેલ
દાહોદમાં પંચાલ નવયુવક મંડળ, દાહોદ દ્વારા પંચાલ સમાજની વાડી ખાતે ભવ્ય “નવચંડી હવન” તેમજ “મેડિકલ યજ્ઞ” નું આયોજન કરવામાં આવ્યું હતું. આ દરમ્યાન શારીરિક અને આધ્યાત્મિક સમૃદ્ધિને પ્રોત્સાહન આપતું સુંદર સંકલન જોવા મળ્યું હતું. આ મેડિકલ કેમ્પ “ડી.એન. શાહ કિડની એન્ડ મલ્ટી સ્પેશિયાલિટી હોસ્પિટલ” તથા “તાપસ પેથોલોજી લેબોરેટરી” ના સહયોગથી યોજાયો હતો. આ દરમ્યાન કિડની તથા પ્રોસ્ટેટ સંબંધી નિદાન અને તપાસ તદ્દન નિઃશુલ્ક કરવામાં આવી. ડો. દર્શિત એન. શાહ (M.S., Dr.N.B. Urology) ની ટીમે સેવા આપી હતી.
“માય બ્લડ સેન્ટર (બેંક), દાહોદ” ના સહયોગથી રક્તદાન કેમ્પનું પણ આયોજન કરવામાં આવ્યું હતું. જેમાં કુલ 12 યુનિટ જ્ઞાતિજનો અને યુવાનો ઉત્સાહ પૂર્વક રક્તદાન કરી માનવીયતા અને સમાજસેવાનો ઉત્તમ ઉદાહરણ પૂરું પાડ્યું હતું. આ કાર્યક્રમના માધ્યમથી “સક્ષમ ભારત – સક્ષમ દાહોદ – સક્ષમ સમાજ” માટે મંડળ દ્વારા “લોકલ ફોર વોકલ” અને સ્વદેશી અપનાવાની પહેલ પણ શરૂ કરવામાં આવી. મંડળ દ્વારા દેશી ઉત્પાદન અને સેવાઓને પ્રોત્સાહન આપવા લોકોમાં જાગૃતિ લાવવામાં આવી.
