મોદીના સ્વચ્છ ભારત અભિયાનની ધજ્જીયા ઉડાવતી લીમડી બસ સ્ટેશન ની ગંદકી ઝાલોદ ડેપોના અધિકારીઓ નિંદ્રાધીન

NewsTok24 – Pritesh Panchal – Limdi

ઝાલોદ તાલુકાના લીમડી બસ સ્ટેશન ખાતે કંટ્રોલરની જગ્યાએ કંડકટર કામ કરે છે પહેલા તો સ્વચ્છ ભારત અભિયાન જે આપણા લોકલાડીલા વડાપ્રધાન ગુજરાત મોડેલને લઈને સમગ્ર દુનિયામાં ફરી રહ્યા છે ત્યારે દાહોદ આ લીમડી ડેપોમાં દીવાતળે અંધારું હોય તેમ ગંદકીના ઢગ ઠેરઠેર જોવા મળી રહ્યા છે. તો બીજી બાજુ મુતરડીઓમાં અને ખાસ કરીને મહિલા મુતરડીમાં તો જવાની પણ જગ્યા નથી એટલી અપાર ગંદકી અને કાદવ કીચડ ભેગો થયો છે.

પરંતુ જે ઘર નું કોઈ રણીધણી જ ના હોય ત્યાં તમે સારી પરિસ્થિતિની અપેક્ષા રાખો એ ખોટી વાત છે કારણકે લીમડી મથકે ડ્યુટી ઉપર કંટ્રોલર ની જગ્યાએ કંડકટરને મુકવામાં આવે છે અને તેમાય અમુક દિવસો તો ઓફિસોને તાળા જ દીધેલા હોય છે. આંતર રાજ્ય લોકોની અવરજવર થી ભરચક રહેતો આ ડેપો કયારે ચોખ્ખો થશે અને આ બાબતે શું ઝાલોદ ડેપોના અધિકારી આ ડેપો લગતી સફાઈ અંગેની કાર્યવાહી તેમજ જુના ફાટી ગયેલા સમય પત્રક ઉપર પ્રકાશ પાડશે ખરા? એ તો આવનાર સમય જ બતાવશે.