વડોદરા ખાતે સ્વાઇન ફ્લુથી મૃત્યુ પામેલ મહિલાનો મૃતદેહ ગરબાડા કન્યા શાળાની સામે તેના ઘરે લાવવામાં આવતા તકેદારીના ભાગરૂપે કન્યા શાળાની વિદ્યાર્થીનીઓને તાલુકા કુમાર શાળામાં શિફ્ટ કરવામાં આવી

PRIYANK CHAUHAN – GARBADA

ગરબાડાની કન્યા શાળાની સામે રહેતા પરીવારના અમુક સભ્યો વડોદરા રહેતા હતા. આ પરીવારની એક મહિલાનું સ્વાઇન ફ્લુના કારણે તારીખ.28/08/2017 ના રોજ મોત નિપજતા મૃતકના પરીવારજનો દ્વારા તેના મૃતદેહને આજ તારીખ.29/08/2017 ના રોજ ગરબાડા ખાતે વતનમાં તેના ઘરે લાવવામાં આવતા મૃતકમાં ઘરની સામેજ તાલુકા કન્યા શાળા આવેલ હોય અને આ શાળામાં ધોરણ.1 થી 8 સુધીની 447 બાળાઓ અભ્યાસ કરે છે. કન્યા શાળાની સામેજ આ મહિલાનો  મૃતદેહ લાવવામાં આવતા કોઈ બાળા બીમારીનો ભોગ ન બને તે માટે તકેદારીના ભાગરૂપે શાળાના આચાર્ય દ્વારા શાળાની તમામ બાળાઓને તાત્કાલિક તાલુકા કુમાર શાળામાં અભ્યાસ અર્થે શિફ્ટ કરવામાં આવી હતી.