દાહોદ જિલ્લા પ્રાથમિક શિક્ષણ વિભાગ દ્વારા સાયન્સ એન્ડ ટેકનોલોજીના પ્રદર્શનનું આયોજન 7મી જાન્યુઆરી 2023 ના રોજ કરવામાં આવનાર છે
7 જાન્યુઆરી ૨૦૨૩ ના રોજ જિલ્લા પ્રાથમિક શિક્ષણ વિભાગ દ્વારા સાયન્સ એન્ડ ટેકનોલોજીની પ્રદર્શનીનું આયોજન કરવામાં આવ્યું છે. આ કાર્યક્રમમાં રાજ્યના શિક્ષણ મંત્રી કુબેર ડિંડોર ઉપસ્થિત રહેવાના છે. જે અંગેની પત્રકાર વાર્તા આજે તા.૦૫/૦૧/૨૦૨૩ ને ગુરુવારના રોજ જિલ્લા પ્રાથમિક શિક્ષણ અધિકારીની કચેરી, જિલ્લા પંચાયત ખાતે રાખવામાં આવી હતી. જેમાં જિલ્લા પ્રાથમિક શિક્ષણ અધિકારી મયુર પારેખ દ્વારા માહિતી આપતા જણાવ્યું હતું કે આ ટેકનોલોજીના વિદ્યાર્થીઓએ જે પ્રદર્શની તૈયાર કરી છે, તેની 45 કૃતિઓ ની વિગતવાર માહિતી આપતા QR કોડની સાથે તૈયાર કરવામાં આવી છે અને આ આખા પ્રદર્શનીની વિગતો આ QR કોડ ટેકનોલોજી સાથે જે રીતે તૈયાર કરવામાં આવી છે તે જ એક સાયન્સ અને ટેકનોલોજીનો એક અદ્યતન ઉપયોગ થયો હોવાની અનુભૂતિ કરાવે છે. અને આ પ્રદર્શની દાહોદ એન. ઈ. જીરુવાલા પ્રાથમિક શાળાના કેમ્પસમાં યોજાનાર છે. આ કાર્યક્રમ 7 જાન્યુઆરી ના રોજ સવારનાં 09.30 કલાક થી શરૂ થશે અને શનિવાર ને 7 જાન્યુઆરી ના રોજ જાહેર સંગીત સંધ્યા સાંજે 07:00 વાગ્યાથી રાખી છે. અને રવિવારે સાંજે સમાપન થશે. આ કાર્યક્રમની તૈયારીઓ જિલ્લા પ્રાથમિક શિક્ષણાધિકારીની કચેરી, જિલ્લા પંચાયત દાહોદ દ્વારા પુરજોશ થી કરવામાં આવી રહી છે.