દાહોદ જીલ્લામાં “એન્ટી લેપ્રસી ડે” અંતર્ગત જીલ્લાના તમામ પ્રાથમિક આરોગ્ય કેન્દ્રો અને આયુષ્માન આરોગ્ય મંદિર ખાતે રક્તપિત વિશેની સત્યતા જણાવી લોકોને રક્તપિત રોગ વિશે જાગૃત કરવામાં આવ્યા હતા. રક્તપિત પૂર્વ જન્મના પાપ કે શ્રાપનું ફળ નથી કે રક્તપિત વારસાગત નથી, રક્તપિત જીવાણુંથી થતો અને આધુનિક સારવારથી સંપૂર્ણ મટી શકે તેવો ચેપી રોગ છે.
એન્ટી લેપ્રસી ડે નિમિતે જૂના રક્તપિતના દર્દીઓને જરૂરિયાત મુજબ MCR સેન્ડલ અને અલ્સર કીટનું વિતરણ કરવામાં આવ્યું હતું. આ તમામ જગ્યાઓએ પ્રતિજ્ઞા લેવડાવવામાં આવી હતી. સ્પર્શ રક્તપિત જનજાગૃતિ અભિયાન અંતર્ગત આવો સૌ સાથે મળીને રક્તપિતના દર્દીઓને સમાજમાંથી શોધી કાઢીને સારવાર માટે મૂકીએ અને રક્તપિતને નિર્મૂલન કરીએ.
