દાહોદ નગર પાલિકામાં સત્તા ભાજપની પણ વિપક્ષ તરીકે કોંગ્રેસ મજબુત થઇ

0
512

Picture 001

 

NewsTok24 – Keyur Parmar – Dahod

                આજ રોજ દાહોદ શહેરના ટેકનીકલ હાઇસ્કુલ ખાતે ચુંટણી નું ,મત ગણતરી રાખવામાં આવેલ હતી વહેલી સવારે 09:00 કલાકે ચુસ્ત પોલીસ બંદોબસ્ત અને કડક સુરક્ષા વચ્ચે દાહોદ ચુંટણી અધિકારી પદ્મરાજ ગામીત ની હાજરીમાં સ્ટ્રોંગ રૂમ નું સીલ તોડી અને ઉમેદવારોની હાજરીમાં તેની ચકાસણી કરાવીને મત ગણતરીની પ્રક્રિયા શરૂ કરી હતી. પહેલા પોસ્ટલ બેલેટ ની ગણતરી કરવામાં આવી હતી અને ત્યારબાદ વોર્ડ નંબર 1 નું કાઉન્ટીગ શરૂ  થયું હતું જેના પરિણામ સ્વરૂપે વોર્ડ ન. 1 માં ભાજપના ઉમેદવાર અભિષેક મેડા, પ્રીતિ સોલંકી, લક્ષ્મણ રાજગોર અને કોંગ્રેસની માસૂમા ગરબાડાવાલા, વિજય થયા હતા. જયારે વોર્ડ ન. 2 માં ભાજપની આખી પેનલ જીતી હતી તેનો શ્રેય પેનલમાં સૌથી વધુ મત મેળવનાર ગુલશન આત્મારામ બચાણી ને જાય છે. આ પેનલમાં કૃણાલ બામણીયા, લતાબેન સોલંકી અને સલમાબેન આંબાવાલા જીત્યા હતા. વોર્ડ ન. 3 માં ભાજપની પેનલના 3 અને 1 કોંગ્રેસ ઉમેદવાર વિજેતા બન્યા હતા. જેમાં કાઈદ ચુનાવાલા, પ્રશાંત દેસાઈ, રમીલાબેન બારિયા અને કોંગ્રેસના લક્ષ્મીબેન ભાટ જીત્યા હતા. વોર્ડ ન. 4 માં પણ ભાજપની આખી પેનલ જીતી હતી તેમાં અરવિંદ ચોપડા, બિરજુ ભગત, ભાવનાબેન વ્યાસ તથા રીનાબેન પંચાલ નો વિજય થયો હતો.

               જયારે વોર્ડ ન. 5 માં પણ ભાજપની જ પેનલનો વિજય થયો હતો. જેમાં કલાવતીબેન પરમાર, પુષ્પાબેન ઠાકુર, યુસુફભાઈ રાણાપુરવાલા અને વિનોદકુમાર રાજગોર જીત્યા હતા. સૌથી મોટા ઉલટફેર તરીકે વોર્ડ ન. 6 અને 8 માં કોંગ્રેસની પેનલ જીતી હતી જયારે વોર્ડ ન. 7માં પણ ભાજપની પેનલ ના સુપડા સાફ થઇ ગયા હતા અને વોર્ડ ન. 7 માં અપક્ષ ઉમેદવાર નુપેન્દ્ર દોષી ની ભવ્ય જીત થઇ હતી અને તેઓએ દાહોદ નગર પાલિકાના રાજકીય અખાડાના માંધતા ગણાતા નલીનકાંત મોઢીયાને હરાવી દીધા હતા અને આ વોર્ડ માં અન્ય 3 સીટો કોંગ્રેસના ફાળે ગઈ હતી અને વોર્ડ ન. 9 માં ભાજપની પેનલ આવી હતી જેમાં તમામ ચારે ચાર ઉમેદવાર નવા હતા.
                   છેલ્લે બધું જોતા એક વાત ચોક્કસ જોવાય છે કે ભાજપની ટકાવારી ઘટી હતી જયારે કોંગ્રેસે ઓવરઓલ સીટોમાં અને ટકાવારીમાં ફાયદો થયો હતો. ભાજપને કુલ 36 સીટોમાંથી 22 સીટો મળી હતી જયારે કોંગ્રેસને ફાળે 13 અને 1 સીટ અપક્ષને ફાળે ગઈ હતી પરંતુ સ્પષ્ટ બહુમતી હોવાને કારણે દાહોદ નગર પાલિકામાં ફરી એક વખત ભગવો લહેરાયો હતો અને સાથેસાથે કોંગ્રેસ પણ મજબુત વિપક્ષ થઈને બહાર આવી હતી અને ગત વખત કરતા 3 ગણી સીટો પ્રાપ્ત થતા કોંગી કાર્યકરોમાં ઉત્સાહ જોવા મળી રહ્યો હતો.

LEAVE A REPLY

Please enter your comment!
Please enter your name here